धादिङ– भोटेकोशी हुँदै त्रिशूली नदीमा आएको भीषण बाढीले धादिङको सदरमुकाम धादिङबेँसीलाई पृथ्वी राजमार्गसँग जोड्ने मुख्य पुल बगाएपछि पेट्रोल अभाव हुने त्रास बढेको छ।
पुल बगेसँगै पृथ्वी राजमार्गको फुर्सेखोलाबाट धादिङबेँसी जोड्ने मुख्य सडक सम्पर्क विच्छेद भएको छ। यससँगै धादिङबेँसीका पेट्रोल पम्पहरूमा इन्धन भर्न आउने सर्वसाधारणको भिड बढेको हो।
काठमाडौंलगायत मुख्य सहरबाट धादिङ सदरमुकामसम्म पेट्रोलियम पदार्थ ढुवानी प्रभावित हुनसक्ने भन्दै स्थानीयले अभाव हुनुअघि नै पेट्रोल भण्डारण गर्न थालेका छन्। पेट्रोल पम्पमा सवारीसाधनको लामो लाइन देखिन थालेको छ।
पुल बगेसँगै धादिङबेँसीमा अत्यावश्यक वस्तुको आपूर्ति प्रभावित हुने चिन्ता स्थानीयमा बढेको छ। यसअघि पनि बाढी तथा पहिरोका कारण धादिङका विभिन्न स्थानमा सडक अवरुद्ध हुँदै आएका छन्।
स्थानीयले तत्काल वैकल्पिक सडक तथा यातायातको व्यवस्था गर्न सम्बन्धित निकायसँग माग गरेका छन्। पुलको क्षति र सडक सम्पर्क विच्छेदका कारण धादिङबेँसीमा पेट्रोलियम पदार्थसहित दैनिक उपभोग्य वस्तुको आपूर्तिमा समस्या आउन सक्ने उनीहरूको आशंका छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_2M3Zzd6r87-1787736320.webp)
-1786602170.png)
-1786513116.png)
