काठमाडौं– भारतको तेलंगाना प्रदेशस्थित सूर्यापेटमा निजी ट्राभल बस र ट्रक आपसमा ठोक्किँदा ६ जनाको मृत्यु भएको छ। दुर्घटनामा अन्य केही यात्रु गम्भीर घाइते भएका छन्।
प्रहरीका अनुसार बुधबार बिहान करिब ५:२० बजे सूर्यापेटको दुर्गापुरम स्टेजनजिक उक्त दुर्घटना भएको हो। हैदराबादबाट विजयवाडातर्फ जाँदै गरेको निजी ट्राभल बस ट्रकसँग ठोक्किएको थियो। दुर्घटनाका बेला बसमा कुल ४३ जना यात्रु सवार थिए।
दुर्घटनापछि प्रहरीले घाइतेहरूको उद्धार गरी उपचारका लागि स्थानीय अस्पतालमा भर्ना गरेको जनाएको छ। दुर्घटनामा मृत्यु भएकाहरूको शव पोस्टमार्टमका लागि पठाइएको छ। मृतकहरूको पहिचान खुलाउने प्रयास भइरहेको प्रहरीले जनाएको छ।
घटनाबारे प्रहरीले अनुसन्धान अघि बढाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
