काठमाडौं– म्यादी प्रहरीका लागि लत्ता–कपडा तथा जुत्ता खरिदमा भ्रष्टाचार भएको आरोप लगाउँदै रास्वपाका सांसद तथा सार्वजनिक लेखा समितिका सदस्य खगेन्द्र सुनारले तत्काल छानबिन समिति गठन गरी दोषीमाथि कारबाही गर्न माग गरेका छन् ।
सुनारले सामाजिक सञ्जालमार्फत म्यादी प्रहरीको पोसाक तथा जुत्ता खरिदमा भएको भनिएको अनियमितताको तत्काल छानबिन गर्नुपर्ने बताएका हुन् । उनले छानबिन अघि नै गृहसचिव र नेपाल प्रहरीका आईजीपीलाई बर्खास्त गर्नुपर्ने मागसमेत गरेका छन् ।
उनले भ्रष्टाचारविरुद्ध सुशासन कायम गर्न र जनमतको कदर गर्न सरकारले तत्काल कदम चाल्नुपर्ने बताएका छन् । साथै, केही व्यक्तिले गरेको बदमासीको भार सिङ्गो प्रहरी संगठनलाई बोकाउन नहुने भन्दै आफू दरिलो र गौरवशाली प्रहरी संगठनको पक्षमा रहेको उल्लेख गरेका छन् ।
सुनारले प्रहरी संगठनको मनोबल उच्च राख्न दोषी व्यक्तिमाथि मात्रै कारबाही हुनुपर्नेमा जोड दिएका छन् । उनले आफ्नो अभिव्यक्तिको अन्त्यमा ‘जुत्ता लगाउने हो, खाने हैन’ भन्दै म्यादी प्रहरीको पोसाक खरिदमा भएको भनिएको अनियमितताप्रति व्यंग्यसमेत गरेका छन् ।
सुनारले उक्त प्रकरणमा निष्पक्ष छानबिन गरी दोषी देखिएकामाथि कडा कारबाही गर्न सरकारसँग माग गरेका छन् ।
यस्तो छ उनको स्टाटस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
