बेत्रावती– निर्माणाधीन त्रिशूली–काठमाडौं २२० केभी ‘डबल सर्किट’ प्रसारण लाइनका लागि विद्युतीय तार तान्न थालिएको छ।
_x000D_
_x000D_
नुवाकोटको सूर्यमतीदेखि थानसिंहसम्मका खम्बामा मङ्गलबारदेखि तार तान्न थालिएको ‘माथिल्लो त्रिशूली थ्री ‘ए’ जलविद्युत आयोजनाका प्रमुख फणिन्द्रराज जोशीले जानकारी दिए।
_x000D_
_x000D_
उनका अनुसार पहिलो चरणमा सूर्यमतीबाट चतुराले हुँदै थानसिंहसम्मको खम्बा नम्बर २४.१ देखि २९ नम्बरसम्म तार तान्न थालिएको छ। सो काम निर्माण कम्पनी चाइना इन्टरनेसनल वाटर एन्ड इलेक्ट्रिक कर्पोरेसन (सिडब्लुई)ले सुरु गरेको छ।
_x000D_
_x000D_
नुवाकोट र रसुवामा उत्पादित विद्युत केन्द्रीय प्रसारण लाइनमा जोड्न विसं २०६८ फागुन १४ गतेदेखि निर्माण सुरु भएको २२० केभी प्रसारण लाइनमा खम्बा गाड्ने काम अन्तिम चरणमा पुगेपछि विद्युतीय तार जडान गर्न लागिएको हो।
_x000D_
_x000D_
उक्त प्रसारण लाइनमा पर्ने १ सय ४० खम्बामध्ये अधिकांश खम्बा निर्माण भइसकेका र बाँकी खम्बा पनि तयार भर्इ ठड्याउन मात्र बाँकी रहेकोे उक्त आयोजनाका उपप्रबन्धक सत्यराम ज्याख्वाले जानकारी दिए।
_x000D_
_x000D_
उनका अनुसार प्रसारण लाइनमा कठिन मानिएका खम्बा निर्माण भइसकेकाले प्रसारण लाइन विस्तार गर्न थालिएको हो। ‘प्रसारण लाइन निर्माणमा स्थानीयवासीको अवरोध, मुआब्जा निर्धारणमा ढिलाइ र सामुदायिक वनक्षेत्र उपभोगमा आइपरेका कठिनाइ समाधान भएसँगै तोकिएकै मितिमा प्रसारण लाइन पूरा हुने निश्चित भएको छ।’, उनले भने, ‘त्रिशूली थ्री ए जलविद्युत आयोजनाबाट उत्पादन भएको विद्युत केन्द्रीय प्रसारण लाइनमा जोड्नका लागि विद्युत प्रसारण लाइन निर्माणको काम तोकिएको समयमा पूरा गर्नुपर्ने बाध्यता भएकाले ठेकेदारलाई काम छिटो गर्न दबाव दिइरहेका छौँ।’
_x000D_
_x000D_
प्रसारण लाइन निर्माणको काम आगामी पुस १५ गतेभित्र सक्नुपर्ने जिम्मेवारी ठेकेदार कम्पनी सिडब्लुइलाई दिइसकिएको छ। उक्त मितिमा काम सम्पन्न गर्न निर्माणको हालको प्रगति सन्तोषजनक छ। उक्त आयोजनाबाट सन् २०१९ फेब्रुअरी ९ तारिख (विसं २०७५ माघ २६)मा पहिलो युनिटबाट ३० मेगावाट विद्युत उत्पादनको योजना बनाइएकाले सो अवधि अगावै त्रिशूली–काठमाडौं प्रसारण लाइन पूरा गर्नुपर्ने भएको छ।
_x000D_
_x000D_
नुवाकोट र रसुवामा उत्पादित करीब ९ सय मेगावाट विद्युत त्रिशूली–काठमाडौं प्रसारण लाइनको एकै केन्द्रमार्फत केन्द्रीय प्रसारण लाइनसम्म जोड्न ४५ किमी प्रसारण लाइन निर्माण कार्यलाई महत्वको रूपमा लिइएको छ।
_x000D_
_x000D_
प्रसारण लाइन निर्माणमा यही आयोजनाअन्तर्गत नेपालमा पहिलो पटक काठमाडौंको मातातिर्थदेखि केन्द्रीय प्रसारण लाइनको स्टेसनसम्म एक किमी दूरीको विद्युतीय तार विस्तारको काम भने भूमिगत गर्न लागिएको छ।
_x000D_
_x000D_
प्रसारण लाइनमार्फत नुवाकोट र रसुवाका दुई जिल्लामा निर्माणाधीन रसुवागढी, साञ्जेन, तल्लो साञ्जेन, त्रिशूली–१, त्रिशूली थ्री ए, थ्री बीमध्ये त्रिशूली गङ्गा–गल्छी–त्रिशूलीसहित सानाठूला गरी तीन दर्जनभन्दा बढी आयोजनाबाट उत्पादन हुने विद्युत केन्द्रीय प्रसारण लाइनमा जडान गरिने नेपाल विद्युत प्राधिकरणको योजना छ। उक्त प्रसारण लाइन निर्माणका लागि दुई अर्ब ५० करोड रुपैयाँ लाग्ने प्रारम्भिक अनुमान छ।
_x000D_
_x000D_
५ दिन विद्युत अवरुद्ध हुने
_x000D_
_x000D_
मङ्गलबारदेखि सुरु गरिएको त्रिशूली–काठमाडौं २२० केभी प्रसारण लाइनको विद्युतीय तार विस्तारको काम सहज बनाउन नुवाकोटको विभिन्न स्थानमा ५ दिन दिनभर विद्युत कटौती हुने भएको छ। नेपाल विद्युत प्राधिकरण नुवाकोट वितरण शाखाका अनुसार त्रिशूली–काठमाडौं प्रसारण लाइनको विद्युतीय तार विस्तारका लागि आगामी आइतबारसम्म प्रत्येक दिन बिहान ८ बजेदेखि साँझ ५ बजेसम्म विद्युत सेवा पूर्ण रूपमा बन्द गर्न लागिएको हो।
_x000D_
_x000D_
वितरण शाखाले जारी गरेको सूचनाअनुसार देवीघाट जलविद्युत केन्द्रमार्फत वितरण हुँदै आएको फिडर नम्बर ३ अन्तर्गत पर्ने विदुर नगरपालिका वडा नम्बर २ शेरादेखि चतुराले, मदानपुर, ककनी हुँदै ओखरपौवासम्मका एक हजारभन्दा बढी ग्राहकले उपभोग गर्ने विद्युत सेवा पाँच दिन दैनिक ९ घन्टा बन्द हुनेछ। (रामहरि न्यौपाने/रासस)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
