काठमाडौं– मुस्ताङको घरपझोङ गाउँपालिका-४ जोमसोमस्थित पर्यटक चेकपोष्टबाट भन्सार बिनै भित्रिएका ८ वटा कन्टेनर नियन्त्रणमा लिएको छ ।
शंकास्पद लागेर चेकजाँच गर्दा भन्सार जाँच नभएको पाइएपछि आठवटा कन्टेनर र आठ जना चालकलाई नियन्त्रणमा लिएर आवश्यक अनुसन्धानका लागि राजस्व अनुसन्धान कार्यालय हरिहरभवन, ललितपुर पठाइएको प्रहरीले जनाएको छ ।
शनिबार दिउँसो १२ बजेतिर जिल्ला प्रहरी कार्यालय मुस्ताङबाट खटिएको प्रहरी टोलीले अवैध वस्तु ओसारपसार भइरहेको भन्ने गोप्य सूचनाका आधारमा जोमसोम पर्यटक चेकपोष्टमा विभिन्न कन्टेनरका कागजपत्र जाँच तथा चालकहरूसँग सोधपुछ गरेको थियो ।
जाँचका क्रममा उक्त सवारीसाधनहरू भन्सार यार्डमा चेकजाँच नगरी सिधै सिल लगाएर ल्याइएको पाइएपछि प्रारम्भिक अनुसन्धानका क्रममा कन्टेनरभित्र अवैध वस्तु हुन सक्ने शंका देखिए पछी कन्टेनर तथा चालकहरूलाई नियन्त्रणमा लिएको हो ।
नियन्त्रणमा लिइएका आठवटै कन्टेनर र चालकलाई आवश्यक कारबाही तथा थप अनुसन्धानका लागि प्रहरी टोली खटाई राजस्व अनुसन्धान कार्यालय हरिहरभवन, ललितपुर पठाएको छ ।
कन्टेनरभित्र के-कस्ता वस्तु रहेका छन् भन्ने विषयमा राजस्व अनुसन्धान कार्यालयबाट थप जाँच तथा अनुसन्धान हुने छ ।
नियन्त्रणमा लिइएका कन्टेनर तथा चालकहरूको विवरण क्रमशः:
१. ना.६ ख ४७४१ नम्बरको कन्टेनर - चालक जिल्ला धादिङ, धार्के गाउँपालिका-२ बस्ने अन्दाजी ३० वर्षीय ईश्वर थापा ।
२. को.१ ख ५६९६ नम्बरको कन्टेनर - चालक जिल्ला दोलखा, शैलुङ गाउँपालिका-३ बस्ने अन्दाजी ४३ वर्षीय रत्न बहादुर तामाङ ।
३. बा.प्र.०१००६ ख २२४८ नम्बरको कन्टेनर - चालक जिल्ला दोलखा, भीमेश्वर नगरपालिका-८ बस्ने अन्दाजी २९ वर्षीय उद्दव बस्नेत ।
४. बा.प्र.०१००६ ख ६२७३ नम्बरको कन्टेनर - चालक जिल्ला पाल्पा, तानसेन नगरपालिका-८ बस्ने अन्दाजी ३६ वर्षीय धर्म बहादुर नेपाली ।
५. ना.३ ख ७१६० नम्बरको कन्टेनर - चालक जिल्ला सिन्धुपाल्चोक, भोटेकोशी गाउँपालिका-२ बस्ने अन्दाजी ३५ वर्षीय कर्म शेर्पा ।
६. ना.६ ख २०२२ नम्बरको कन्टेनर - चालक जिल्ला सिन्धुपाल्चोक, जुगल गाउँपालिका-५ बस्ने अन्दाजी ३३ वर्षीय निरोज नेपाली ।
७. बा.प्र.०१००६ ख ६६११ नम्बरको कन्टेनर - चालक जिल्ला काभ्रेपलाञ्चोक, पाँचखाल नगरपालिका-८ बस्ने अन्दाजी २३ वर्षीय विशाल तामाङ ।
८. बा.प्र.०१–००५ ख २२४५ नम्बरको कन्टेनर - चालक जिल्ला सिन्धुपाल्चोक, भोटेकोशी गाउँपालिका बस्ने अन्दाजी ३६ वर्षीय गोपाल श्रेष्ठ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786797434.jpg)
-1786783779.jpg)
-1786602170.png)
-1786513116.png)
