काठमाडौँ– नेकपा (एमाले)की सांसद रामकुमारी झाँक्रीले सरकारले घृणा, द्वेष र विभाजनकारी राजनीतिलाई वैधता दिने प्रयास गरिरहेको आरोप लगाएकी छन्।
राष्ट्रिय सभाको शुक्रवारको बैठकमा बोल्दे उनले यस्तो बताएकी हुन् । उनले सरकारको राजनीतिक अभ्यासले समाजलाई धार्मिक तथा जातीय हिसाबले विभाजनतर्फ धकेल्ने कार्य गरिरहेको आरोप पनि लगाइन् ।
उनले सरकारको संघीयतासम्बन्धी धारणा सकारात्मक दिशामा नरहेको टिप्पणी गरिन् । उनले सुनसरीसहित मधेशमा उत्पन्न धार्मिक तनाव उत्पन्न हुनुमा पहाडी-मधेशी भनेर विभाजित गर्ने प्रवृत्तिको उपज भएको बताइन्।
उनले नेपालको विशिष्ट राजनीतिक र सामाजिक परिस्थितिका कारण संघीय व्यवस्था आएको उल्लेख गर्दै यसको मूल उद्देश्य राज्यको सेवा प्रवाह र अधिकारको विकेन्द्रीकरण रहेको स्पष्ट पारिन्।
उनले भनिन्, ‘मूलतः यो सरकार घृणा, द्वेष, भर्त्सना, विध्वंस र आगजनी सही थियो भन्ने कुरा स्थापित गर्दै आएको हो । माननीय मन्त्रीज्यू यहीँ हुनुहुन्छ, दुःखका साथ भन्नुपर्छ तपाईँहरू यसरी नै आएको हो । गोविन्द केसीको आन्दोलन र त्यसमा ऐक्यबद्धता गर्ने पनि तपाईँ हो । आज मेडिकल शिक्षा कहाँ पुराउनुभयो । यस्तो कथाहरू जोडिँदै जालान् । सुनसरी यस्तै कुरा हो । संघीयता आउने बेलामा पनि यस्तै थियो । पहाडी र मधेशीयाको विभाजन कृष्णप्रसाद भट्टराई, उर्मिला अर्यालहरूलाई पहाडीया बनाएर शुरु गरिएको हो । जात र धर्मको पनि त्यसैगरी विभाजन शुरु गरिएको हो । संविधानमा हामीले यी तमाम असन्तुष्टिहरूलाई संघीयतासँगसँगै लिपिबद्ध गरेको हो । यो संघीयता हाम्रो विशिष्ट परिस्थितिमा आएको हो । यो सिंगो देश एकतामा जान नसकेर यस्तो भएको होइन, संघीयता आएको होइन । डेलिभरी र फंसनलाई हामीले विकेन्द्रीकरण गरेको हो । यतिमात्रै कुरा बुझ्नुपर्यो । तर यो कुरा राम्रो भएन । हामीलाई आज पनि दिग्भ्रमित पारिरहेका छन् ।’
उनले अहिले पनि संघीयताको विषयमा नागरिकलाई दिग्भ्रमित पार्ने कार्य भइरहेको भन्दै आपत्ति जनाइन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
