भैरहवा– प्रधानन्यायाधीश ओमप्रकाश मिश्रले अदालतले गरेका आदेशहरु सरकारले कार्यान्वयन नगरेको बताएका छन्। सोमबार भैरहवामा पत्रकारहरुसँग संक्षिप्त कुराकानी गर्दै उनले अदालतले गरेका आदेश÷फैसलाहरु मध्ये २० प्रतिशत पनि सरकारले कार्यान्वयन नगरेको बताए।
_x000D_
_x000D_
‘हामीले जति पनि फैसला÷आदेश जारी गरेका छौँ, त्यसको २० प्रतिशत पनि सरकारले कार्यान्वयन गरेको छैन।’, उनले भने। उनले न्यायको अनुभूति दिलाउनका लागि सरकारले अदालतको आदेशहरुलाई कार्यान्यवन गर्नुपर्नेमा जोड दिए।
_x000D_
_x000D_
उनले फेवाताल भित्रको जग्गा पनि व्यक्तिको नाममा दर्ता भएकोले दर्ता बदर गर्न अदालतले फैसला गरेपनि अहिलेसम्म सरकारले त्यसलाई कार्यान्वयन नगरेको गुनासो पोखे। सामाजिक उत्तरदायित्वअन्र्तगत जनस्वास्थ्यसँग खेलवाडलगायत अन्य विषयमा अदालतमा मुद्दा आएमा समाजको हितमा फैसला सुनाइने उनको भनाइ छ।
_x000D_
_x000D_
उनले सडक निर्माणको क्रममा निर्माण व्यवसायीले धुलो उडाएर आमजनताको स्वास्थ्यसँग खेलवाड गरेको पाइएमा क्षतिपूर्ति समेत भराउन आदेश हुने सक्ने चेतावनी दिए। निर्माणाधीन बेलहिया–बुटवल सडकखण्डमा ठेकेदारहरुले गरेको चरम लापरबाहीलाई इन्गित गर्दै उनले यस्तो बताएका हुन्। जसका कारण सो खण्डमा अत्याधिक धुलो उडिरहेको र सवारी दुर्घटनासमेत बढेको छ।
_x000D_
_x000D_
प्रधानन्यायाधीश मिश्रले जिल्ला र उच्च अदालतलहरुले समयसीमा भित्र मुद्दाहरु फ्छर्यौट गर्ने गरे पनि न्यायधीशहरुको अभावमा सर्वोच्च अदालतमा मात्र मुद्दाहरुको चाप यथावत रहेको बताए।
_x000D_
_x000D_
गृहजिल्ला रुपन्देहीको मर्चवार क्षेत्रका बासिन्दा रहेका प्रधानन्यायाधीश मिश्रले आफ्नो क्षेत्रको विकासमा आफु पनि लाग्ने र त्यो भन्दा बढी जनप्रतिनिधिहरु अग्रसर हुनुपर्ने धारणा राखे।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762685028.png)
-1758539596-1762682671.jpeg)
