काठमाडौं– काठमाडौं उपत्यकामा प्रहरीले लागू गरेको दसैं विशेष सुरक्षा योजना सफल भएको दाबी गरेको छ।
_x000D_
_x000D_
उपत्यकाका तीन वटै प्रहरी कार्यालयले दसैंमा चोरीलगायतका अपराधका घटना हुनसक्ने भन्दै सुरक्षा योजना बनाएर लागू गरेका थिए।
_x000D_
_x000D_
उपत्यकका तीन वटै जिल्ला काठमाडौं, ललितपुर, भक्तपुर हेर्ने महानगरीय प्रहरी आयुक्त कार्यालयले यसपटकको दसैं शान्त र सुरक्षित रहेको बताए।
_x000D_
_x000D_
आयुक्त कार्यालय रानिपोखरीका डिआइजी मनोज नेउपानेले नेपाल लाइभसँग कुरा गर्दै भने, ‘अन्य वर्षमा भन्दा यसवर्षको दसैं सुरक्षित रहेको पाइयो। चोरी पनि लगभग शून्य छ।'
_x000D_
_x000D_
दसैंको अवधि असोज २८ देखि कात्तिक ४ गतेसम्मको आयुक्त कार्यालयको तथ्यांकअनुसार उपत्यकामा जम्मा ३ वटा चोरी भएको छ। जसमा काठमाडाैंमा २ वटा, ललितपुर १ वटा चोरी भएको छ भने भक्तपुरमा चोरी नभएको पाइएको छ।
_x000D_
_x000D_
काठमाडौं महानगरपालिका–२६ मा डेरा गरी बस्ने एक जनाको एलइडी टेलिभिजन चोरी भएको भन्दै उजुरी आएको छ। त्यसैगरी काठमाडौंको बालाजु क्षेत्रबाटै १ लाख ३० हजार रुपैयाँ नगद चोरी भएको प्रहरीले जनाएको छ।
_x000D_
_x000D_
उता ललितपुरको इमाडोलको एक घरमा चोरी भएको छ। घरमा भएका गरगहना, टेलिभिजन, मोबाइल गरेर झण्डै ३ लाख रुपैयाँ बराबरको चोरी भएको डिआइजी नेउपानेले जानकारी दिए।
_x000D_
_x000D_
कालिमाटी क्षेत्रबाट पनि चोरी भएको भन्दै उजुरी आएको महमानगरीय प्रहरी परिसर काठमाडौंका एसएसपी वसन्त लामाले जानकारी दिएका छन्। घरमा राखेको ४५ तोला सुन चोरी भएको उजुरी आएको उनले बताए। तर, पीडितको भनाइलाई आधार मान्दा त्यति धेरै चोरी भएको हुन नसक्ने एसएसपी लामाको भनाइ छ।
_x000D_
_x000D_
‘४५ तोला सुन चोरी भएको जानकारी आएपछि हामी पीडितको घर नै पुगेको थियौं। तर, पीडितले भनेका कुरा र घरको अवस्थामा हेर्दा त्यत्रो चोरी भएको जस्तो देखिँदैन। तैपनि हामी अनुसन्धान गर्दै छौं,' एसएसपी लामाले नेपाल लाइभसँग भने, ‘चोरी भयो भनेको घर २ तले हो। घरमा भएका सरसामानहरुको क्वालिटी, मान्छेको लवाइखवाईको राम्ररी नियाल्यौं। छरछिमेकमा समेत सोधपुछ गरियो। यी सम्पूर्ण कुरालाई आधार मान्दा ४५ तोला सुन चोरी भएको हो भनेर पत्याउने ठाउँ छैन।’
_x000D_
_x000D_
अहिलेसम्म यी बाहेक चोरी भयो भन्दै प्रहरीकोमा उजुरी आएको छैन। दसैं मनाउन उपत्यका बाहिर गएका मानिस अझै उपत्यका फर्किनसकेकाले चोरीको उजुरी कम आएको हुनसक्ने प्रहरीले अनुमान गरेको छ।
_x000D_
_x000D_
विशेष गरेर काठमाडौं उपत्यका छाडेर मानिसहरु बाहिर जाने भएकाले धेरै चोरी हुन्छ भनेर त्यसैअनुरुप सुरक्षा योजना बनाएर लागु गरेको थियो। योजना सफल भएको प्रहरीले जनाएको छ।
_x000D_
_x000D_
त्यस्तै चोरी गर्ने दुई जनालाई नियन्त्रणमा लिइएको प्रहरीले जनाएको छ। लुटपाट गर्ने दुई जना, ठगी गर्ने एक जना र नक्कली नोटको कारोबार गर्ने पाँच जनालाई प्रहरीले नियन्त्रणमा लिएर अनुसन्धान सुरु गरेको छ।
_x000D_
_x000D_
त्यस्तै दसैंमा जुवातास खेल्नेको पनि बाढी नै लाग्ने गर्छ। तर, अन्य वर्षको जस्तो यसवर्ष काठमाडौं उपत्यकामा जुवातास नभएको प्रहरीले जनाएको छ। दसैंको यो एक हप्ताको अवधिमा जुवातास खेल्ने तीन वटा समूह पक्राउ गरिएको प्रहरीले जनाएको छ।
_x000D_
_x000D_
ठूलो मात्रामा मानिसहरु उपत्यका बाहिरिने भएकाले गाडीको टिकटमा समेत कालोबजारी हुने गरेकोमा यसवर्ष भने टिकटको कालोबजारी शून्य रहेको प्रहरीले जनाएको छ। ‘टिकट पाइएन, टिकटमा कालोबजारी भयो भनेर हामीकहाँ अहिलेसम्म उजुरी नै आएको छैन,’ डिआइजी नेउपानेले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
