काठमाडौँ– नेपाल विद्यार्थी संघ (नेविसंघ)ले नेपाली काँग्रेससँगको औपचारिक भ्रातृ सम्बन्ध अन्त्य गर्ने निर्णय गरेको छ।
काठमाडौँमा सम्पन्न संघको सिनेट बैठकले अब पार्टीको भ्रातृ संस्थाका रूपमा नरही स्वतन्त्र विद्यार्थी हितका पक्षमा केन्द्रित रहने निष्कर्ष निकालेको हो।
बैठकले नेपाली काँग्रेसका सिद्धान्त र नीतिप्रति आस्था कायम राख्दै पनि संगठनलाई प्रत्यक्ष पार्टी संरचनाभित्र नबाँध्ने गरी कार्यगत स्वायत्तता सुनिश्चित गर्ने प्रस्ताव अनुमोदन गरेको जनाएको छ।
संघका अध्यक्ष दुजाङ शेर्पाका अनुसार विधानअनुसार सिनेट बैठक उच्चस्तरीय नीतिगत तथा वैधानिक निर्णय गर्ने निकाय भएकाले उक्त निर्णयले नेविसंघलाई स्वतन्त्र र आत्मनिर्भर संस्थाका रूपमा अघि बढाउने आधार तय गरेको छ। उनले पार्टीसँग प्रत्यक्ष आबद्ध रहँदा विद्यार्थी संगठनको भूमिकामाथि प्रश्न उठ्न थालेको उल्लेख गर्दै लोकतान्त्रिक मूल्यमान्यताप्रति प्रतिबद्ध रहँदै विद्यार्थीको स्वतन्त्र सोच र हितलाई प्राथमिकता दिने दिशामा संगठनलाई रूपान्तरण गरिएको बताए।
यसैबीच, बैठकले नेविसंघको आगामी कार्यक्रमअन्तर्गत वैशाख २० र २१ गतेका लागि विशेष गतिविधि सञ्चालन गर्ने निर्णयसमेत गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
