काठमाडौँ– नेकपा एमालेका केन्द्रीय सदस्य गोकुल बास्कोटाले राष्ट्रिय स्वतन्त्र पार्टी नेतृत्वको सरकारको कार्यशैलीबारे तत्कालै टिप्पणी गर्नु उपयुक्त नहुने बताएका छन्।
सामाजिक सञ्जालमार्फत उनले नयाँ सरकारलाई काम गर्न निश्चित समय दिनुपर्ने धारणा सार्वजनिक गर्दै, सुरुवाती चरणमै आलोचना वा विश्लेषण गर्नु औचित्यपूर्ण नहुने उल्लेख गरेका हुन्।
उनका अनुसार सरकार गठनपछि कम्तीमा तीन महिनासम्म यसको कार्यसम्पादनबारे बाह्य प्रतिक्रिया नदिनु उपयुक्त हुन्छ।
बास्कोटाले पछिल्लो निर्वाचनमा रास्वपाले जनसमर्थन प्राप्त गरेको सन्दर्भ उल्लेख गर्दै सरकार सञ्चालनको जिम्मेवारी सम्बन्धित दलकै विषय भएको स्पष्ट पारे। जनताले विभिन्न राजनीतिक विकल्पमध्ये यसपटक उक्त दललाई प्राथमिकतामा राखेको भन्दै उनले त्यसलाई सम्मान गर्नुपर्ने धारणा व्यक्त गरे।
साथै, उनले अनावश्यक आलोचना र आरोप-प्रत्यारोपको प्रवृत्ति त्यागेर सरकारलाई काम गर्न दिने वातावरण बनाउनुपर्ने आवश्यकता औँल्याएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773837959.png)
-1764146706.png)
