काठमाडौं– पार्टीमा आफ्नो समूहको भावी रणनीति तय गर्नका लागि नेपाली कांग्रेसका वरिष्ठ नेता रामचन्द्र पौडेल समूहका शिर्ष नेताहरुको बैठक बसिरहेको छ।
_x000D_
_x000D_
महामन्त्री डा शंशाक कोइरालाको संयोजनमा महाराजगन्जमा बैठक बसिररहेको बताइएको छ। नेपाल विद्यार्थी संघको विधानलाई लिएर पार्टीमा विवाद चुलिएसँगै नेताहरु भावी रणनीति तय गर्नका लागि जुटेका हुन्।
_x000D_
_x000D_
बैठकमा वरिष्ठ नेता रामचन्द्र पौडेल, महामन्त्री शंशाक कोइराला, प्रकाशमान सिंह, डा रामशरण महत, नविन्द्रराज जोशी, धनराज गुरुङ, दिलबहादुर घर्तीलगायतका नेताहरु सहभागी छन्। पार्टीका समूहलाई संयोजन गर्ने भूमिकामा देखिँदै आएका नेता अर्जुननरसिंह केसी पनि बैठकमा उपस्थित छन्।
_x000D_
_x000D_
काठमाडौंमा उपलब्ध संस्थापन इतर समूहका विधान समितिमा रहेका सदस्यहरुलाई पनि बैठकमा डाकेको बताइन्छ।
_x000D_
_x000D_
नेविसंघको विधानलाई पार्टीले अनुमोदन गर्ने क्रममा केन्द्रीय समितिमा विवाद भएसँगै पार्टीमा थप ध्रुविकरण सुरु भएको छ। संस्थापन पक्षले बहुमतको आधारमा उमेर हद कायम गरेपछि चार शिर्ष नेताले फरक मत राखेका थिए। गत बिहीबारको लागि डाकिएको केन्द्रीय समितिको बैठकलाई संस्थापन इतर समूहले बहिष्कार गर्ने चेतावनी दिएपछि अनिश्चित कालको लागि बैठक स्थगन गरिएको छ।
_x000D_
_x000D_
अनुशासन र कार्य सम्पादन समिति गठनका विषयमा पनि पार्टी भित्र विवाद देखिएको छ। गत महिना संस्थापन पक्षले एकतर्फी अनुशासन समिति गठन गर्न लागेको भन्दै इतर समूहले आपत्ति प्रकट गरेसँगै विभागहरुको गठनलाई पनि स्थगन गरिएको छ।
_x000D_
_x000D_
कांग्रेसको विधान समितिले प्रारम्भिक रुपमा तयार गरेको विधानमा सभापतिलाई अधिकार बढाइएको प्रति पनि इतर समूहको असन्तुष्टि रहेको छ। पदाधिकारीहरुलाई सभापतिले मनोनित गरेसँगै केन्द्रीय समितिबाट अनुमोदन गर्नु नपर्ने गरी विधानमा व्यवस्था गरिएको छ। साथै, पार्टी सभापति संसदीय समितिमा स्वतः निर्वाचित हुने व्यवस्थाको पनि इतर समूहले आपत्ति जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762771102.png)
