काठमाडौं- त्रिभुवन विश्वविद्यालय (त्रिवि)को आङ्गिक क्याम्पस नेपाल ल क्याम्पसमा स्नातक तह (एलएलबी) प्रथम वर्षमा क्षमताभन्दा करीब २० गुणाबढी विद्यार्थी भर्ना भएपछि कक्षाकोठा अभाव देखिएको छ।
_x000D_
_x000D_
करीब ५०० क्षमता भएको उक्त क्याम्पसम अहिले स्नातक प्रथम वर्षमा १० हजार ८ सय ६० जना विद्यार्थी भर्ना भएका छन्। गत वर्ष ल क्याम्पसमा ४ हजार २ सय ३८ विद्यार्थी भर्ना भएका थिए।त्रिवि कानून सङ्कायका डीन डा ताराप्रसाद सापकोटाले क्षमताभन्दा बढी विद्यार्थी भर्ना भएपछि पढाउनका लागि कक्षाकोठा खोजिरहेको बताए।
_x000D_
_x000D_
ल क्याम्पसमा चार वटा कक्षाकोठा मात्र स्नातक तह प्रथम वर्षमा पढाउनका लागि रहेको छ। उनले कक्षाकोठा उपलब्ध गराइदिनका लागि त्रिविका रजिष्ट्रार र रेक्टरसमक्ष पहल गर्नका लागि अनुरोध गरिएको बताए।
_x000D_
_x000D_
'चार वटा कक्षाकोठामा हामीले अहिले कक्षा सञ्चालन गरिरहेका छौँ। ती कक्षाकोठामा विद्यार्थीको भीड रहेको छ', उनले भने, 'प्राध्यापकसँग सँगै उभिएर विद्यार्थी पढिरहेका छन्।'
_x000D_
_x000D_
काठमाडौँस्थित ल क्याम्पस मात्र नभएर उपत्यका बाहिर रहेका छ वटा त्रिविका आङ्गिक क्याम्पसमा पनि क्षमताभन्दा बढी नै विद्यार्थी सङ्ख्या भर्ना गरेका छन्। डीन डा सापकोटाका अनुसार सबभन्दा बढी नेपालगञ्जस्थित क्याम्पस एक हजार २ सय र कम बुटवलस्थित क्याम्पसमा ७ सय विद्यार्थी भर्ना भएका छन्।
_x000D_
_x000D_
क्याम्पस प्रमुख डा दिनानाथ पराजुलीले त्रिवि केन्द्रीय क्याम्पससँग जग्गा मागी टहरा निर्माण गरी कक्षा सञ्चालन गर्ने तयारी गइरहेको जानकारी गराए। 'हामीले त्रिविसँग ५० रोपनी जग्गा माग गरेका छौँ। त्रिविले जग्गा उपलब्ध गराए भने दशैँपछि उक्त जग्गामा पढाउनका लागि टहरा बनाउनेछौं', उनले भने, 'हामीले बिहान विद्यार्थीलाई पठाउँछौँ। दिउँसो र कक्षा सञ्चालन नभएका बेला त्रिविले उक्त टहरामा परीक्षासमेत सञ्चालन गर्न सक्नेछ।'
_x000D_
_x000D_
एउटा कक्षामा २ सय जना पढाउने गरी क्याम्पसले टहरा बनाउने तयारी गरेको छ। क्याम्पस प्रमुख कक्षाकोठाको अभावले अयन्त्र पढाई सञ्चालन गर्नुपर्दा बिहान दिउँसो र साँझ तीनै सिफ्टमा कक्षा सञ्चालन गरिने बताए। एउटै सिफ्टमा सबै विद्यार्थीलाई पढाउन असम्भव भएपछि तीनै सिफ्टमा विद्यार्थीलाई पढाइने जानकारी गराए।
_x000D_
_x000D_
क्याम्पस प्रमुख डा पराजुलीले त्रिविसँगै क्याम्पस नजिकका विश्व भाषा क्याम्पस, रत्नराज्य क्याम्पस र सरस्वती क्याम्पसमा कक्षाकोठा मागेर पठाउने छलफल भइरहेको बताए।
_x000D_
_x000D_
यसैगरी करीब १० हजार ८ सय ६० जनाले भर्ना गरे तापनि करीब एक हजार जाना क्याम्पस आउने गरेका छन्। पहिलेको तुलनामा अहिले विद्यार्थी आउन थालेको क्याम्पस प्रमुख डा पराजुलीले जानकारी दिए।
_x000D_
_x000D_
प्रमुखको कार्यकक्षमा तालाबन्दी
_x000D_
_x000D_
नेपाल विद्यार्थी सङ्घले एलएलबी प्रथम वर्षमा भर्नाको समय थप्नुपर्यो भनेर क्याम्पस प्रमुखको कार्यकक्षमा तालाबन्दी गरेका छन्। नेविसङ्घले असोज ९ गतेदेखि तालाबन्दी गरेका छन्।
_x000D_
_x000D_
अनेरास्ववियु र अनेरास्ववियु (क्रान्तिकारी)ले स्नातकोत्तर तह प्रथम सेमेष्टरको परीक्षाफल पुनरावलोकन माग गर्दै डीन कार्यालयमा असोज १० गतेदेखि तालाबन्दी गरेका छन्। विद्यार्थीको न्यूनतम अङ्क ‘बि प्लस’ र अधिकतम ‘ए’ र ‘ए माइन्स’ प्राप्ताङ आउने गरी परीक्षाफल आउने हुनुपर्ने माग राखेको डीन डा सापकोटाले जानकारी दिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1677243823-1775234234-1789571125.jpg)
-1786602170.png)
