सुर्खेत– चीनसँग सिमाना जोडिएको हुम्लाको हिल्सा नाकामा पहिलो पटक अध्यागमन कार्यालय स्थापना भएको छ। संघीय सरकारका गृहमन्त्री रामबहादुर थापा बादलले मंगलबार हिल्सामा अध्यागमन कार्यालयको उद्घाटन गरेका छन्।
_x000D_
_x000D_
कर्णालीको समृद्धिमा हिल्सा नाका र यहाँको अध्यागमन कार्यालयले महत्वपूर्ण भूमिका निर्वाह गर्ने विश्वास गृहमन्त्री थापाले व्यक्त गरे। ‘अध्यागमन कार्यालयको स्थापनासँगै अब हिल्सा नाका कर्णाली प्रदेशको मात्रै नभएर सिंगो पश्चिम नेपालकै समृद्धिको ढोका मानिएको नाका औपचारिक रुपमा सुरु भएको छ’ उनले भने।
_x000D_
_x000D_
अध्यगमनको कार्यालय स्थापना भएसँगै नेपाल प्रहरीले सम्पादन गर्दै आएका काम अब अध्यागमनका कर्मचारीले गर्नेछन्। चीनलगायत तेस्रो मुलुकबाट गैरकानुनी रुपमा भित्रिने नागरिकका गतिविधि नियन्त्रणमा पनि कार्यालयले सहगोग गर्ने विश्वास व्यक्त गरिएको छ। कार्यालय स्थापनापछि नेपाल छिर्ने विदेशीलाई तिर्ने शुल्कसमेत व्यवस्थित हुने भएकाले राजश्वमा पनि थप योगदान पुग्ने बताइएको छ।
_x000D_
_x000D_
अध्यागमन कार्यालय स्थापना भएपनि नियमित काम भने सुरु भएको छैन। जतिसक्दो छिटो हिल्सा नाका सञ्चालनमा ल्याउनका लागि पहल गरिने कर्णाली प्रदेशका मुख्यमन्त्री महेन्द्रबहादुर शाहीले बताए। ‘संघीय सरकारले पनि यसलाई उच्च प्राथमिकतामा राखेकाले अब चाँडै कार्यालयले काम सुरु गर्नेछ’ मुख्यमन्त्री शाहीले भने।
_x000D_
_x000D_
प्रधानमन्त्री केपी शर्मा ओलीको चीन भ्रमणका क्रममा नै चीनसँग भएको १० बुँदे सहमतिमा औपचारिक रुपमा हिल्सा नाका खुला गर्ने काम अघि बढाउने कुरा उल्लेख भइसकेको गृहमन्त्री थापाले बताए।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1774336446-1774337130.jpeg)
-1764146706.png)
