काठमाडौं – प्रमुख इन्टरनेट तथा टिभी सेवा प्रदायक कम्पनी भायानेट कम्युनिकेशन लिमिटेडले अनुभवी बैंकर परशुराम कुँवर क्षेत्रीलाई आफ्नो सञ्चालक समितिमा स्वतन्त्र सञ्चालकको रूपमा नियुक्त गरेको छ।
बैंक तथा वित्तीय क्षेत्रमा आफ्नो विशेषज्ञता र व्यापक अनुभवका लागि परिचित क्षेत्री कम्पनीको सञ्चालक समितिको निर्णयअनुसार भायानेटको बोर्डमा आबद्ध भएका हुन्।
क्षेत्रीले सन् १९८६ मा तत्कालीन ग्रिण्डलेज बैंक (हाल स्ट्यान्डर्ड चार्टर्ड बैंक) बाट आफ्नो विशिष्ट करियर सुरु गरेका थिए। उनको करियरमा नेपाल बैंक, सिटिजन्स बैंक इन्टरनेशनल र बैंक अफ एशियामा वरिष्ठ पदहरूको अनुभव पनि समावेश छ।
उनले जनता बैंक र ग्लोबल आइएमई बैंकमा प्रमुख कार्यकारी अधिकृतको जिम्मेवारी पनि सम्हालेका छन्। क्षेत्रीले सन् २०२० मा ग्लोबल आइएमई बैंकको प्रमुख कार्यकारी अधिकृत पदबाट अवकाश लिएका थिए।
भायानेट कम्युनिकेशन लिमिटेडले परशुराम कुँवर क्षेत्रीलाई बोर्डमा स्वागत गर्दै, उनको तीन दशकभन्दा बढीको विविध अनुभवले कम्पनीलाई आगामी दिनमा अझ सशक्त र दिगो विकासतर्फ डोर्याउन महत्वपूर्ण भूमिका खेल्ने विश्वास व्यक्त गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
