जनकपुरधाम– सिरहा सदरमुकामस्थित कारागारमा कैदीबन्दीबीच आपसमा भएको झडपमा १३ जना घाइते भएका छन्।
सिरहाका सहायक प्रमुख जिल्ला अधिकारी चेतराज बरालका अनुसार आन्तरिक प्रशासनको नाइके तोक्नेबारेमा विवाद हुँदा झडप भएको हो ।
कारागारका नाइके दिपक ठाकुर, मूलनाइके बरुण महतो, चौकीदार विजय महतोसहितका कैदीहरु घाइते भएका छन्। उनीहरुलाई प्रहरीले उपचारका लागि प्रादेशिक अस्पताल पुर्याएको छ। अहिले कारागारको अवस्था तनावग्रस्त छ।
झडपपछि ठूलो संख्यामा प्रहरी परिचालन गरिएको छ।
घटनाबारे थप अनुसन्धान भइरहेको सहायक प्रजिअ बरालले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
