-1721802286.jpg)
फाइल तस्बिर
काठमाडौं– त्रिभुवन अन्तर्राष्ट्रिय विमानस्थलमा २०८१ साउन ९ गते भएको सौर्य एयरलाइन्सको जहाज दुर्घटनाको एक वर्षपछि सरकारले गठन गरेको छानबिन आयोगले अन्तिम प्रतिवेदन सार्वजनिक गरेको छ । तर, दुर्घटनामा आफन्त गुमाएका पीडितले उक्त प्रतिवेदनले दुर्घटनाको समग्र पक्ष उजागर गर्न नसकेको भन्दै पुनः न्यायिक छानबिनको माग गरेका छन् ।
रतिशचन्द्र लालको अध्यक्षतामा गठन गरिएको पाँच सदस्यीय आयोगले सार्वजनिक गरेको प्रतिवेदनले दुर्घटना नभइ, 'अपराध' भएको स्वीकार गरे पनि घटनाको वास्तविक कारण र जिम्मेवार पक्ष पहिचान गर्न नसकेको आरोप लगाइएको छ ।
दुर्घटनामा तीन सन्तान गुमाएका प्रकाश खतिवडाले शनिबार वक्तव्य जारी गर्दै भनेका छन्, ‘सौर्य एयरलाइन्स कम्पनीको जानाजानको लापरवाही, पाइलटको अक्षम्य गल्ती र नियामक निकायको गम्भीर त्रुटिकै कारण १८ जना निर्दोष नागरिकले ज्यान गुमाएका हुन् । आयोगले यसलाई सत्यतामा पूर्णरूपमा उजागर गर्न सकेन ।’
खतिवडाका अनुसार ३४ दिनदेखि विमानस्थलमा थन्किएको जहाज मर्मत नगरी उडाइएको, बिग्रिएको जहाज काठमाडौँबाट पोखरामा लगिएको, मर्मतका लागि गरिएको ‘फेरी’ उडानमा यात्रु बोकिएको, चार वर्षका बालकलाई समेत कम्पनीको कर्मचारी देखाइएकोजस्ता संवेदनशील र गम्भीर कुराहरू प्रतिवेदनमा समेटिएको छैन । उनले आयोगले सरकारले विधि मिचेर गठन गरेको, आयोग सदस्यहरूको योग्यता नियम अनुसार नपुगेको, र प्रारम्भिक तथा अन्तिम प्रतिवेदनबीच तथ्यगत फरक रहेको आरोप पनि लगाए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
