पाँचथर — फाल्गुनन्द गाउँपालिका–५ मा निर्माणाधीन सहकारी संस्था भवनको सेप्टिक ट्यांकीको सर्टिङ खोल्ने क्रममा निसासिएर एक जना मजदुरको ज्यान गएको छ ।
फाल्गुनन्द –५ स्थित घुर्विसे पञ्चमी सहकारी संस्था निर्माणाधीन भवनको सेप्टिक ट्यांकी ढलानका क्रममा प्रयोग गरिएका काठ बाँस झिक्न जाँदा निसासिएर ३८ वर्षीय रत्न चेम्जोङको ज्यान गएको हो ।
जिल्ला प्रहरी कार्यालय पाँचथरका अनुसार उनीहरु बुधबार साँझ करिब साढे पाँचबजेतिर अचेत अवस्थामा भेटिएका थिए ।
जिल्ला प्रहरी कार्यालय पाँचथरका सूचना अधिकारी(प्रहरी निरिक्षक) रुपेश तामाङका अनुसार घटनामा २४ वर्षीय भीष्म चेम्जोङ, ४० वर्षीय बीरु चेम्जोङ र ३० वर्षीय संगीत चेम्जोङ बेहोस भएका छन् ।
उनीहरुलाई उपचारका लागि इलाम अस्पताल पुर्याइएको छ । उद्धारपछि थप उपचारका क्रममा इलाम पुर्याउँदा रत्नलाई त्यहाँकै चिकित्सकले मृत घोषणा गरेका हुन् । मृतक रत्नसहित भीष्म र बीरु सेप्टिक ट्यांकी खोल्न खटिएका मजदुर थिए भने संगीत उनीहरुको उद्धारका लागि खाल्डोमा जाँदा बेहोस भएका थिए । उनको भने तत्काल होस खुलेको बताइएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
