बच्चा हराएको खबर नआएकाले अपहरणको सूचना गलत : प्रहरी

नेपाल लाइभ

नेपाल लाइभ बिहीबार, असोज १८, २०७५ ०८:४९

काठमाडौं– बुधबार काठमाडौंको गोठाटारबाट बालक अपहरणमा परेको भन्ने सूचना गलत भएको प्रहरीले निष्कर्ष निकालेको छ।

_x000D_ _x000D_

बुधबार दिउँसो २ बजे प्रहरीको १०० नम्बरमा फोन गरेर गोठाटारबाट बालक अपहरणमा परेको भन्ने खबर आएको थियो। लगत्तै महानगरीय प्रहरी परिसर काठमाडौं, महानगरीय प्रहरी अपराध महाशाखा र महानगरीय प्रहरी वृत नयाँ बानेश्वरबाट ठूलो मात्रामा प्रहरी टोली बालकको खोजीमा निस्किएको थियो।

_x000D_ _x000D_

स्थानीयले तीन जनाको समूहमा आएका व्यक्तिले जबरजस्ती खैरो रङको गाडीमा हालेर बौद्धतर्फ लगेको बताएका थिए। प्रहरीले बालक अपहरणमा परको खबर आएकाले उद्धारका लागि खटिइसकेको सूचना सञ्चारमाध्यमलाई दिएको थियो। तर दिनभर खोज्दा पनि प्रहरीले बालक फेला पार्न सकेन।

_x000D_ _x000D_

बालक अपहरणमा परको भए रातिसम्म खबर आउन सक्ने प्रहरीले विश्वास गरेको थियो। ‘बालक हराएको भए राति पक्कै सूचना आउनेमा हामी ढुक्क थियौं। राति पनि सूचना नआएकाले बालक अपहरणमा नपरेको र आफन्तले नै उठाएर गाडीमा हालेर लगेको हुन सक्ने हाम्रो निष्कर्ष हो,’ महानगरीय प्रहरी परिसर काठमाडौंका प्रवक्ता होबिन्द्र बोगटीले भने।

_x000D_ _x000D_

गाडीमा जबरजस्ती हालिनएको र त्यसबेला चिच्याउँदै बालक रोएको सुनेर स्थानीयले अपहरण भएको भन्दै प्रहरीलाई खबर गरेका थिए।
_x000D_

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय