एमालेसँग जति कुनै पार्टीसँग युवा छैनन् : प्रधानमन्त्री ओली

राजनीति

नेपाल लाइभ शनिबार, चैत ३०, २०८१ १९:५०

काठमाडौं– प्रधानमन्त्री एवं नेकपा (एमाले)का अध्यक्ष केपी शर्मा ओलीले आफूहरूसँग जति अरू कुनै पार्टीसँग युवा नभएको बताएका छन्।

आज दमकमा आयोजित जागरणसभालाई आज सम्बोधन गर्दै प्रधानमन्त्री ओलीले एमालेले जति अरू पार्टीले युवा भेला गर्न नसक्ने भन्दै चुनौती दिएका छन्।

प्रधानमन्त्री ओलीले युवाहरूलाई स्वदेशमै रोजगारी र उद्यमशीलताको विकासमा लगाउन सरकारले आवश्यक कदम चालिरहेको बताए। एमालेले वैशाख ११ गते (लोकतन्त्र दिवस) का दिन काठमाडौँमा युवा महोत्सव आयोजना गर्ने उद्घोष गर्दै ४० वर्षमुनिका युवालाई त्यसदिन काठमाडौँ आएर राजतन्त्र हटाएर जनताले जितेको दिनको उत्सव मनाउन आह्वान गरे।

ओलीले चेतावनी दिँदै भने‚ ‘एमालेका साथमा युवा छैनन्। एमालेका युवाहरू सिद्धिए भन्नेहरूलाई जवाफ दिन हामीले यो कार्यक्रम गरेका छौँ। म चुनौतीका साथ भन्छु, अरू कुनै पार्टीले यति धेरै युवाहरूलाई भेला पार्न सक्दैन।’ उनले युवाहरूलाई आफ्नो सामर्थ्य पूर्ण प्रयोग गरेर देशका निम्ति जुट्न आह्वान पनि गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत-पाकिस्तान सीमा क्षेत्रमा पुनः गोलाबारी सुरु

नेपालमा लगानी गर्न व्यवसायीलाई अध्यक्ष ढकालको आग्रह

सगरमाथा संवादको अन्तिम तयारीमा छौँ : परराष्ट्रमन्त्री