काठमाडौं – विश्वका प्रदूषित शहरको सूचीमा काठमाडौं आइतबार (आज) दोस्रो स्थानमा छ । काठमाडौंको वायुको गुणस्तर एक्यूआई यो समाचार तयार पार्दासम्म २३१ रहेको छ । जुन स्वास्थ्यका हिसाबले एकदमै खराब हो । प्रदूषित शहरको शीर्ष स्थानमा भारतको दिल्ली छ । दिल्लीको एक्यूआई २९१ रहेको छ ।
एक्यूआई २०० भन्दा माथि जानुलाई अति अस्वस्थ मानिन्छ । गएको आइतबाारदेखि नेपाल प्रदूषित शहरको अग्रस्थानमा पर्दै आएको छ । शनिबार काठमाडौँ विश्वकै प्रदूषित सहरको शिर्ष स्थानमा थियो ।
वायु प्रदूषण निकै खतराको अवस्थामा रहेकाले यसबाट बच्न सतर्कता अपनाउन स्वास्थ्य मन्त्रालयले आग्रह गरेको छ । मन्त्रालयले अनावश्यक रुपमा घरबाट बाहिर ननिस्कन र निस्कनै पर्ने भए मास्कको प्रयोग गर्न अनुरोध गरेको छ ।
विश्व स्वास्थ्य सङ्गठनको मापदण्डअनुसार मानव स्वास्थ्यका लागि वायुको गुणस्तर सूचकाङ्क ० देखि ५० सम्म स्वास्थ्यको लागि राम्रो मानिन्छ । यस्तै, ५१ देखि १०० मध्यम, १०१ देखि १५० सम्म हुँदा संवेदनशील समूहको लागि अस्वस्थ, २०१ देखि ३०० सम्म निकै अस्वस्थ, ३०१ भन्दामाथि स्वास्थ्यको लागि खतरनाक तह मानिन्छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
