तीनकुनेको हिंसामा सरकारको हात छ, लाठीसमेत नभएका प्रदर्शनकारीमाथि गोली चलाइयो : राजेन्द्र लिङ्देन

राजनीति

नेपाल लाइभ बिहीबार, चैत २१, २०८१ १६:४५

काठमाडौं– राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्दनेले चैत १५ गते तीनकुनेमा हिंसा भड्काउन सरकारको हात रहेको दाबी गरेका छन् ।

सरकारलाई पाँच बुँदे ध्यानाकर्षणपत्र बुझाएर बाहिरिने क्रममा सञ्चारकर्मीहरूसँग कुरा गर्दै तीनकुनेको प्रदर्शनमा सरकारले नै हिंसा भड्काएको दाबी गरे ।

उनले भने, ‘हिंसा भड्काउन सरकार नै संलग्न भएको पाइन्छ, मञ्चमा राष्ट्रिय गान बजिरहेको छ, कार्यक्रम सुरु हुन लागिरहेको छ । त्यहाँ अन्दाधुन्दा अश्रुग्याँस प्रहार गरिन्छ । बाटोमा हिँडिरहेका मान्छेहरूलाई गोली हालिएको छ । कार्यक्रम स्थलबाट धेरै टाढा रहेका कुनै सम्बन्ध नरहेका, मानिसहरूलाई घरमा पस्दै गर्दा पनि गोली हानिएको छ, सरकारले यतिधेरै हिंसात्मक भयो भनिरहँदा प्रदर्शनकारीहरूसँग एउटा लाठी पनि फेला नपारेको स्थितिमा सरकारले यतिधेरै गोली किन चलायो । झण्डै २५० राउण्ड गोली चलाइएको छ ।’

उनले राज्य पक्ष सुनियोजित रूपमै हिंसा भड्काउन लागिपरेको देखिएको भन्दै निष्पक्ष छानबिन गरेर दोषीलाई कारबाही हुनुपर्ने बताए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काँकडभिट्टाबाट पौने १८ अर्बको कृषिजन्य वस्तु निर्यात

सुनको मूल्यमा भारी गिरावट, कतिमा हुँदैछ कारोवार ?

एनएसएलमा आज चितवन र लुम्बिनी खेल्दै