विवादका बिच साढे ३ महिनापछि महानगर कार्यालय पुगे बालेनले हटाएका प्रमुख प्रशासकीय अधिकृत गुरागाईं

राजनीति

नेपाल लाइभ बिहीबार, चैत २१, २०८१ १२:२३

काठमाडौं –काठमाडौँ महानगर पालिकाका मेयर बालेन शाहले हटाएका प्रमुख प्रशासकीय अधिकृत सरोज गुरागाईं आज पुनः कार्यालयमा पुगेका छन् । झण्डै साढे ३ महिनापछि बिहीबार पौने १२ बजे उनी महानगरको कार्यालय पुगेका हुन् । महानगर प्रहरीको अवरोधका बिच केही जनप्रतिनिधि र कर्मचारीको सहयोगमा उनी कार्यालय प्रवेश गरेका हुन् ।

अवरोध गर्न नगर प्रहरी खटाइए पनि गुरागाईंको स्वागतमा बसेका कर्मचारीले उनलाई कार्यालय प्रवेश गराएका हुन् । अन्य कर्मचारीले कार्यकारी अधिकृतमाथि अवरोध नगर्न नगर प्रहरीलाई चेतावनी दिएका थिए ।

यसअघि विभिन्न क्षेत्रमा अनियमितता गरेको भन्दै गुरागाईंलाई पुस ५ गतेदेखि कार्यालय प्रवेशमा अवरोध गरिएको थियो । महानगर प्रमुख बालेन शाहले नयाँ प्रमुख प्रशासकीय अधिकृत पठाइदिनको लागि सरकार संग अनुरोध गरेपनि सरकारले झण्डै साढे ३ महिना पछि पुनः उनै गुरागाईलाई पठाएको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बिम्स्टेक शिखर सम्मेलनलाई सम्बोधन गर्दै प्रधानमन्त्रीले ओली

प्रधानमन्त्री ओली र भारतीय समकक्षी मोदीबीच आज बैंककमा भेटवार्ता हुँदै

हैदरावाद माथि कोलकाताको सानदार जित