प्रधानमन्त्री ओली थाइल्याण्ड प्रस्थान (तस्बिरहरू)

राजनीति

नेपाल लाइभ मंगलबार, चैत १९, २०८१ १४:०७

काठमाडौं– प्रधानमन्त्री केपी शर्मा ओली थाइल्याण्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को छैटौँ शिखर सम्मेलनमा भाग लिन बैंकक प्रस्थान गरेका छन्।

थाइल्याण्डका प्रधानमन्त्री फेथोङथान सिनावातको मैत्रीपूर्ण निमन्त्रणामा नेपालका प्रधानमन्त्रीबाट इतिहासमै पहिलो पटक थाइल्याण्डको औपचारिक भ्रमण भएको हो।

Untitled-design-(10)-1743496036.png

प्रधानमन्त्री ओली नेतृत्वको भ्रमण टोली थाई एयरलाइन्सबाट बैंककतर्फ प्रस्थान गरेको हो। प्रधानमन्त्री ओलीलाई त्रिभुवन विमानस्थलको अति विशिष्ट कक्षमा उपप्रधान एवं शहरी विकासमन्त्री प्रकाशमान सिंह, गृहमन्त्री रमेश लेखक लगायतले बिदाई गरे। त्यस्तै नेपाली सेनाको एक टुकडीले सम्मान गारथ सलामी अर्पण गरेको थियो।

शिखर सम्मेलनका क्रममा सदस्य मुलुकका समकक्षी एवं राष्ट्रप्रमुखहरूसँग भेटवार्ता हुनेछ।

Untitled-design-(9)-1743496030.png

भ्रमणका क्रममा प्रधानमन्त्रीस्तरमा द्विपक्षीय वार्ता भई पर्यटन र संस्कृतिका सन्दर्भमा दुई र गैरसरकारी क्षेत्रबीच ६ वटा समझदारीपत्रमा हस्ताक्षर हुने परराष्ट्र मन्त्रालयले जनाएको छ। द्विपक्षीय वार्तापछि थाइल्याण्डका प्रधानमन्त्री सिनावातसँगै प्रधानमन्त्री ओलीले संयुक्त प्रेस ब्रिफिङमा भाग लिनेछन्। थाइल्याण्डका नरेशसँगको भेटपछि एकदिने औपचारिक भ्रमण सकिनेछ।

त्यस्तै चैत २१ गते बिमस्टेक शिखर सम्मेलनका नेताहरूलाई दिइने औपचारिक रात्रिभोजमा प्रधानमन्त्री ओली सहभागी हुने छन्। भने चैत २२ गते बिमेस्टक शिखर सम्मेलनमा सहभागी तथा सम्बोधन हुने कार्यक्रम छ। प्रधानमन्त्री नेतृत्वको टोली यही चैत २३ गते स्वदेश फर्किने छन्।

Untitled-design-(8)-1743496028.png

RatnaSherestha-KTM-19RATL8739(2)copy-1743495736.JPG

Untitled-design-(7)-1743496019.png

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रसाईं र मिश्रबारे अदालतले भन्यो : थप प्रमाण संकलन गर्ने कार्य बाँकी नरहे तारेखमा छाड्नू

धनगढीलाई हराउँदै पोखरा एनएसएलको फाइनलमा प्रवेश

तीनकुने घटनामा मृत्यु भएकाको परिवारलाई जनही १० लाख उपलब्ध गराइने