मूर्ति बेचेर नेपालमा हेरोइन भित्र्याउने पहिलो व्यक्ति पूर्वराजा ज्ञानेन्द्र नै हुन् : झलनाथ खनाल

राजनीति

नेपाल लाइभ सोमबार, चैत १८, २०८१ १८:४३

काठमाडौं– नेकपा एकीकृत समाजवादी पार्टीका नेता झलनाथ खनालले पूर्व राजा ज्ञानेन्द्र शाह मूर्ति चोर भएको आरोप लगाएका छन् ।

सोमबार पार्टी निकट खेलकुद महासंघले आयोजना गरेको कार्यक्रमलाई सम्बोधन गर्दै नेता खनालले यस्तो बताएका हुन् ।

पूर्व प्रधानमन्त्रीसमेत रहेका खनालले पूर्वराजालाई मूर्ति चोरसम्म मात्र भनेनन् उनले मूर्ति बेचेर नेपालमा हेरोइन भित्र्याउने पहिलो व्यक्तिसमेत रहेको दाबी गरेका छन् ।

नेता खनालले भने, ‘त्यति बेलाका अधिराजकुमारहरू ज्ञानेन्द्र, धीरेन्द्र नेपालको मूर्ति चोर्ने, बाहिर लाने, उनीहरूसँग डिप्लोमेटिक ब्याग हुन्थ्यो । डिप्लोमेटिक ब्यागमा खानतलासी हुँदैन, त्यो खानतलासी नहुने डिप्लोमेटिक ब्यागमा देशका अमूल्य चिजहरू बाहिर लाने र बाहिरबाट हेरोइन जस्ता चिजहरू ल्याउने काम गर्थे ।’

यस्तै उनले चिहानमा गाडेको राजतन्त्र ब्यूँतिने कुनै सम्भावना नरहेको पनि दाबी गरे । राजावादीहरूको चरित्र तीनकुने घटनाबाटै प्रस्ट भइसकेको उनको भनाइ छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्यमा सामान्य वृद्धि, कतिमा हुँदैछ कारोबार ?

सदनमा सशक्त रुपमा प्रस्तुत हुन अध्यक्ष प्रचण्डको निर्देशन

नेपालगञ्जस्थित भेरी अस्पतालबाट मिर्गौला प्रत्यारोपण सेवा सुरु