प्रधानमन्त्रीले पूर्वराजाप्रति दिएको अभिव्यक्ति रेकर्डबाट हटाउन राप्रपाको माग

राजनीति

नेपाल लाइभ सोमबार, चैत १८, २०८१ १२:२२

काठमाडौं–राष्ट्रिय प्रजातन्त्र पार्टीले प्रधानमन्त्री केपी शर्मा ओलीले संसदमा असंसदीय भाषा प्रयोग गरेको भन्दै रेकर्डबाट हटाउन माग गरेको छ।

प्रतिनिधि सभाको बैठकमा बोल्दै राप्रपाका प्रमुख सचेतक ज्ञानेन्द्र शाहीले प्रधानमन्त्रीको अभिव्यक्तिप्रति आपत्ति जनाउँदै हटाउन माग गरेका हुन्।

उनले फागुन २५ गते पुर्वराजालाई कथित स्वागत गरेको भन्ने अभिव्यक्ति दिएकोप्रति शाहीले आपत्ति जनाए।

प्रधानमन्त्रीले तत्कालिन राजा ज्ञानेन्द्र शाहले गत फागुन ७ गते आफू ‘अघि बढ्ने, साथ देउ’ भन्दै वक्तव्यवाजी गरेको टिप्पणी गरेका थिए।

प्रधानमन्त्रीले भनेका थिए, ‘त्यसको लगत्तै ठाउँठाउँमा स्वागत कार्यक्रम राख्दै जनमत भड्काउने काम सुरु गरियो। फागुन २५ गते कथित ‘स्वागत–सवारी’ आयोजना गरियो। र, चैत १४ गते समाज विथोल्न लागिपरेका एकजना अवाञ्छित व्यक्तिलाई आफ्नै निवासमा डाकेर कथित “जनकमाण्डर” तोक्नु भयो र हिंसात्मक वारदातका लागि खटाउनु भयो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुपोषणले अस्ताए ‘लाज शरणम’का विकास

मापसे गरी अभद्र व्यवहार गरेको आरोपमा प्रमुख प्रशासकीय अधिकृत पक्राउ

अनुगमनका लागि महिनामा सात पटकसम्म पुगेपछि वीरगञ्ज बालसुधार गृहमा तनाव