कुलमानले सरकारविरुद्ध दायर गरेको रिटको सुनुवाइ हुँदै

राजनीति

नेपाल लाइभ शुक्रबार, चैत १५, २०८१ ११:४५

काठमाडौं – नेपाल विद्युत् प्राधिकरणको कार्यकारी निर्देशकबाट हटाइएपछि कुलमान घिसिङले सरकारविरुद्ध सर्वोच्च अदालतमा दायर गरेको रिटमा आज (शुक्रबार) सुनुवाइ हुँदैछ ।

रिट निवेदन सुनुवाइ गर्न आजका लागि पेसी तोकिएको हो । घिसिङले बुधबार नै पेस गरेको रिट बिहीबार दर्ता भएको थियो । रिटमा उनले प्रधानमन्त्री तथा मन्त्रीपरिषद्को कार्यालय, ऊर्जा, जलस्रोत तथा सिँचाइ मन्त्रालय, ऊर्जा मन्त्री दीपक खड्का, नेपाल विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्यलाई विपक्षी बनाएका छन् ।

कुलमानले रिटमा आफूलाई हटाउने निर्णय बद्नियतपूर्ण र गैरकानुनी दाबी गरेका छन । सरकारको सो निर्णय कार्यान्वयनमा तत्काल रोक लगाई आफूलाई काम गर्न दिने अन्तरिम आदेशको माग उनको छ । ऊर्जा मन्त्री दिपक खड्काले आफूमाथि काल्पनिक आक्षेप लगाउँदै स्पष्टीकरण सोधेको भन्दै त्यसलाई पूर्वाग्रही काम भनेका छन् । आफू चार वर्षका लागि प्राधिकरणको कार्यकारी निर्देशकमा नियुक्त भएको भन्दै उनले विना आधार त्यसभन्दा अघि पदमुक्त गर्न नमिल्ने जिकिर गरेका छन् ।

सोमबारको मन्त्रिपरिषद् बैठकले उनलाई कार्यकारी निर्देशक पदबाट बर्खास्त गरेर शाक्यलाई नियुक्त गरेको थियो । घिसिङको चार वर्षको कार्यकालमा चार महिना समय मात्रै बाँकी थियो । कुलमानलाई बर्खास्त गर्ने सरकारको निर्णयलाई लिएर अहिले चौतर्फी रुपमा विरोध भइरहेको छ । यस बिषयमा प्रमुख प्रतिपक्ष दलहरुले यस बिषयमा प्रधानमन्त्री केपी शर्मा ओलीले संसदमा जवाफ नदिए सम्म संसद बैठक चल्न नदिने भन्दै अवरुद्ध गरीरहेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राजावादी आन्दोलनमा भएका १२८ घाइतेमध्ये १३ जनाको उपचार जारी

पूर्वराष्ट्रपति भण्डारीद्वारा ईदको शुभकामना

भाटभटेनी तोडफोड र लुटपाटः ८० लाख बढिको क्षति, अहिले सम्म ९ जना पक्राउ