पदभार ग्रहणपछि शाक्यले भने- अबको चुनौती विश्वासिलो बिजुली हो, लोडसेडिङ होइन

राजनीति

नेपाल लाइभ मंगलबार, चैत १२, २०८१ २०:०२

काठमाडौं– नेपाल विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्यले लोडसेडिङ हुन्छ भनेर भएको हल्ला निराधार भएको दाबी गरेका छन्।

शाक्यले पदभार ग्रहण गपछि सञ्चारकर्मीसँग बोल्दै अब घरायसी ग्राहकहरूमा लोडसेडिङ नहुने उनले बताएका हुन्।

‘केही मानिसहरूले लोडसेडिङ हुन्छ भन्ने हल्ला चलाएका छन्। त्यो निराधार हो। अब घरायसी ग्राहककहाँ लोडसेडिङ हुँदैन,’ उनले भने, ‘उद्योगमा लोडसेडिङ छ, त्यो पनि हटाउँछु।’

आफू ०७७ सालमा केही समय कार्यकारी निर्देशक हुँदा अहिलेभन्दा पनि विश्वासिलो बिजुली दिइएको उनले बताए।

‘अबको चुनौती विश्वासिलो बिजुली हो, लोडसेडिङ होइन। अब विद्युत्को गुणस्तर वृद्धि हुन्छ। दिनमा एकपटकभन्दा बढी ट्रिपिङ नहुने वातावरण बनाउँछ,’ उनले भने।उनले अबको एक दुई हप्ताभित्रै नतिजा देखिनेगरी काम गर्ने पनि बताए।

‘लोडसेडिङ हुँदैन। करिब एक दुई हप्ताभित्र मैले त्यो नतिजा देखाउँछु,’ उनले भने।

डेडिकटेड र ट्रंकलाइन विवादको समाधान प्राविधिक रुपमा यसको निकाल्नुर्ने उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आइपिएल: पञ्जाबले गुजरातलाई हरायो

एसियन कप छनोट : नेपाल मलेसियासँग पराजित

विश्व समुदाय मिलेर कार्बन उत्सर्जन घटाउनुपर्छ : वनमन्त्री शाही