सर्लाहीको बलरामा बेवारिसे शव फेला, पहिचान खुल्न सकेन

समाज

नेपाल लाइभ सोमबार, चैत ११, २०८१ १८:२९

सर्लाही–सर्लाहीको बलरा नगरपालिका–१०, सुदामास्थित मनुष्मारा ब्यारेजमा एक अज्ञात पुरुषको शव फेला परेको छ। शवको पहिचान अझै खुल्न सकेको छैन।

जिल्ला प्रहरी कार्यालय सर्लाहीका निमित्त प्रवक्ता एवं प्रहरी निरीक्षक बालिष्टर सिंहका अनुसार शव ब्यारेजभित्र सड्न थालेको अवस्थामा भेटिएको हो। स्थानीय बासिन्दाले ब्यारेजभित्र शव देखेपछि प्रहरीलाई खबर गरेका थिए।

घटनास्थलको प्रकृति मुचुल्का तयार गरी शवलाई पोष्टमार्टमका लागि प्रादेशिक अस्पताल मलङ्गवा पठाइएको छ। मृतकले बक्स पाइन्ट र टि–सर्ट लगाएको भए पनि शव सडिसकेकाले हुलिया स्पष्ट हुन सकेको छैन।

प्रहरीले शवको पहिचान खुलाउने प्रयासस्वरूप मातहतका प्रहरी युनिटलाई जानकारी गराइसकेको छ भने नजिकका गाउँहरूमा सोधपुछ जारी राखेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

दुःखको घडीमा भारत सरकार र भारतीय जनताको पक्षमा नेपाल उभिएको छ : परराष्ट्रमन्त्री राणा

अलिकति राजनीतिक चेत राख्नेहरूले पनि यो सरकार विचौलियाको हो भनेर स्विकारिसके: प्रचण्ड

आन्दोलनमा शिक्षकले नै कुटे शिक्षकलाई