प्रतिनिधि सभा बैठक बस्दै, यस्तो क कार्यसूची

राजनीति

नेपाल लाइभ बुधबार, चैत ६, २०८१ ०७:४७

काठमाडौं – संघीय संसद अन्तर्गत प्रतिनिधि सभाको बैठक आज (बुधबार) बस्दै छ । बिहान ११ बजे बस्ने बैठकमा सभामुख देवराज घिमिरेले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्रको व्यहोरा पढेर सुनाउने कार्यसूची रहेको छ । यस्तै, राष्ट्रियसभामा उत्पत्ति भएको ‘तिलगङ्गा नेत्र विश्वविद्यालय विधेयक, २०८१’ का सम्बन्धमा राष्ट्रियसभाबाट प्राप्त सन्देश सहितको विधेयक टेबुल गरिने छ ।

आजको बैठकमा व्यवस्थापन कार्य अन्तर्गत गृह मन्त्री रमेश लेखकले ‘सशस्त्र प्रहरी बल, नेपाल विधेयक, २०८१ लाई दफावार छलफलको लागि सम्बन्धित समितिमा पठाईयोस्’ भन्ने प्रस्ताव प्रस्तुत गर्ने छन् भने नेपाल नागरिकता दोश्रो संशोधन विधेयक, २०८१ माथिको दफावार छलफल सदनमा गरियोस् भन्ने प्रस्ताव प्रस्तुत गर्ने कार्यसूची रहेको छ ।

त्यस्तै, उक्त विधेयक माथि प्राप्त संशोधनहरुलाई निर्णयार्थ प्रस्तुत गरिने र गृह मन्त्री लेखकले ‘नेपाल नागरिकता दोश्रो संशोधन विधेयक, २०८१ लाई पारित गरियोस्’ भन्ने प्रस्ताव प्रस्तुत गर्ने कार्यसूची रहेको संसद सचिवालयले जानकारी दिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्यमा नयाँ रेकर्ड, कतिमा हुँदैछ कारोवार ?

पूर्वराजा शाह मनकामना दर्शनका लागि गोरखा जाने

स्ववियु निर्वाचनः यस्तो छ उपत्यकाका आङ्गिक क्याम्पसहरुको मतपरिमाण