मोरङ– मोरङको धनपालथान गाउँपालिका ६ को कदमामा रहेको मुस्लिम बस्तीमा आगलागी हुँदा एक जना बालिकाको जलेर मृत्यु भएको पुष्टि भएको छ।
मृत्यु हुनेमा तीन वर्षीय बालिका रेश्मा खातुन रहेको जिल्ला प्रहरी कार्यालय मोरङका एसपी नारायण चिमोरीयाले जानकारी दिए।
आगलागीमा परेको भनिएका अर्का ६ वर्षीय बालक अर्शद अली सम्पर्कमा आएका हुन्।
घटनास्थल पुगेर फर्किएका मोरङका एसपी चिमोरीयाका अनुसार बालक घर नजिकै बारीमा फेला परेका हुन्। उनको अवस्था सामान्य छ।
आगलागीबाट १२ घर परिवारको १६ वटा छाप्रा जलेका छन्। हाल आगलागी नियन्त्रणको काम भईरहेको चिमोरियाले बताए।
साना छाप्रा घर र परालको माचसमेत घरकै उेउमा रहेकाले आगोले उग्ररुप लिएको प्रहरीले जनाएको छ। आगो साढे आज अपह्र्न १२ बजे तिर लागेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762782210.gif)
