काठमाडौं – नेकपा एकीकृत समाजवादीका सांसद प्रकाश ज्वालाले उमेर हुनजेल सम्म लोकसेवा लड्न दिनुपर्ने बताएका छन् । सरकारले लोक सेवामा ६ पटक फेल भए परीक्षा दिन निषेध गर्ने गरी कानुन बनाउन लागेकोभन्दै आपत्ति जनाएका छन् ।
प्रतिनिधि सभाको बैठकमा बोल्दै परीक्षाबाट नै वञ्चित गर्नु भनेको युवाहरूलाई खाडी र मलेसियातिर धकेल्नु भएको टिप्पणी गरे । उनले भने, ‘सरकारले रोजगारीको विकल्प पनि नदिने, परीक्षामा प्रतिस्पर्धा गर्न पनि रोक्ने यो मौलिक अधिकारबाट वञ्चित गराउनु हो । त्यसैले लोकसेवा लड्ने उमेर भएसम्म लड्न पाउनुपर्छ ।’
उनले बरु राष्ट्रपति एक, प्रधानमन्त्री दुई, मन्त्री र सांसद तीन पटक र गैरसांसद मन्त्री हुने व्यवस्था गर्न माग गरे समेत गरेका छन् । यस्तै राजनीतिक नियुक्ति, चुनाव, सांसद, मन्त्री, प्रधानमन्त्री, राष्ट्रपति कति पटक हुने भन्ने विषयमा छलफल गर्न प्रस्ताव गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
