मध्यपश्चिम विश्वविद्यालयको स्ववियु निर्वाचन चैत्र १८ गते हुने

राजनीति

नेपाल लाइभ आइतबार, चैत ३, २०८१ १०:२०

सुर्खेत – मध्यपश्चिम विश्वविद्यालयको स्ववियु चुनाव यही चैत्र १८ गते हुने भएको छ । यस अघि पटक–पटक अवरुद्ध हुँदै आएको निर्वाचनको लागि कार्यतालिका सार्वजनिक गरिएको छ । निर्वाचन समितिका संयोजक दीपेन्द्रबहादुर थापाका अनुसार चैत्र ७ गते सङ्गठन दर्ता, १२ गते मनोनयन दर्ता गर्ने कार्यतालिका रहेको छ । यस्तै चैत्र १५ गते रातिदेखि मौन अवधि सुरु हुने छ भने १८ गते बिहान ७ बजेदेखि मतदान हुने छ । यसअघि पटक पटक मुद्दा दायर हुँदा विश्वविद्यालयको चुनाव रोकिएको थियो ।

स्ववियु चुनावलाई लिएर कर्णालीमा राजनीतिक दलहरूले आफ्नो प्रतिष्ठानको विषय बनाउनेमा मध्यपश्चिम विश्वविद्यालय र सुर्खेत बहुमुखी क्याम्पस हुन् । दुवै प्रदेश राजधानीका ठुला क्याम्पस भएकाले सबैको चासो यिनै दुई वटा शैक्षिक संस्थामा हुन्छ । यसैबिच चैत्र ५ गतेका लागि तोकिएको सुर्खेत बहुमुखी क्याम्पसको चुनाव भने रोकिएको छ । नेकपा एमाले निकट विद्यार्थी सङ्गठन अनेरास्ववियुले बुधबार बेलुका क्याम्पसमा तोडफोड गरेका थिए । निर्वाचन समितिले असुरक्षाको विषयलाई ध्यानमा राख्दै निर्वाचनका सम्पूर्ण कार्यक्रम स्थगित गरेको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बाल सुधारगृहलाई सुरक्षित बनाउन सांसदहरुको माग

पूर्वविशिष्टलाई दिने आजीवन सुविधाबारे सांसदहरुको असन्तुष्टि

लोकतन्त्र एउटा हाइवे हो, यसमा ब्याक गेयर लाग्दैन : प्रधानमन्त्री