सरकारका कुनै पनि मन्त्री उपस्थित नभएपछि संसदमा विराेध, १५ मिनेटका लागि बैठक स्थगित

राजनीति

नेपाल लाइभ बुधबार, फागुन २८, २०८१ ११:४६

काठमाडौं –सरकारको तर्फबाट कुनै पनि मन्त्री उपस्थित नभएपछि प्रतिनिधि सभाको बैठक १५ मिनेटका लागि स्थगित भएको छ । बुधवार बिहान ११ बजेका लागि तय भएको बैठक साढे ११ बजे शुरू भएको थियो ।

तर, सरकारका कुनै पनि मन्त्री उपस्थित नभए बैठक नचल्ने भन्दै विपक्षी दलले विरोध गरेपछि सभामुख देवराज घिमिरेले बैठक १५ मिनेटका लागि स्थगित गरेका छन् । बैठकको शुरूमै सभामुखसँग समय लिएर माओवादी संसदीय दलका प्रमुख सचेतक हितराज पाण्डेले सरकारका मन्त्री उपस्थित नभई बैठक चल्न नसक्ने बताए ।

‘सरकारले सदनलाई हेपिरहेको छ । हाम्रो अभ्यास सरकारले मानिरहेको छैन । संसद् बैठकमा सरकारको प्रतिनिधि कोही पनि छैनन् । नियमावलीको व्यवस्थाअनुसार सरकार चल्दैन,’ पाण्डेले भने ।

प्रतिनिधि सभा नियमावलीको नियम ६ को उपनियम ५ मा संसद बैठक चल्दा सरकारको प्रतिनिधि उपस्थित हुने व्यवस्था छ । तर, मन्त्रीहरू नआएपछि संसद् बैठक स्थगित गर्नुपर्ने अवस्था आएको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अग्नि सापकोटाविरुद्धको अपहरण तथा ज्यान मुद्दाको सुनुवाइ हेर्दाहेर्दैमा

न्यून भिजिविलिटीका कारण विमान आकाशमै ‘होल्ड’

चिकित्सा शिक्षा आयोगले निकाल्यो वार्षिक क्यालेन्डर