बाजुरामा भिरबाट लडेर एक जनाको मृत्यु, उद्धारका लागि गएका ८ जना उतै अड्किए

समाज

नेपाल लाइभ सोमबार, फागुन २६, २०८१ ०९:५०

बाजुरा– बाजुराको स्वामिकार्तिक खपार गाउँपालिकामा भिरबाट लडेर एकजनाको मृत्यु भएको छ। मृत्यु हुनेमा स्वामिकार्तिक खापर गाउँपालिका २ का पुसे भण्डारी रहेका छन्।

बडिमालिका खबरका अनुसार कर्णाली नदीमा माछा मार्न गएका र घर फर्किने क्रममा भिरबाट लडेर उनी घाइते भएका थिए। उनको समयमा नै उद्धार हुन नसक्दा घटनास्थलमा नै मृत्यु भएको हो।

पत्रकार प्रकाश सिंहका अनुसार उनको उद्धारका लागि गएका ८ जना स्थानीय समेत सोही भिरमा अड्किएका छन् र स्थानीय आफै भिरमा अड्किएपछि घाइते भण्डारीको उद्धार हुन सकेन र घटनास्थलमै मृत्यु भएको स्वामिकार्तिक खापर गाउँपालिका वडा न २ का वडा अध्यक्ष विष्णु बुढाले बताएका छन्।

जाने बेला सहज रूपमा गएका र फर्किन कठिनाइ भएका कारण १ महिला ३ बालबालिका र ४ जना युवाहरू सोही भिरमा अड्किएका वडाअध्यक्ष बुढाले बताए।

हिजो दिउँसो ४ बजेदेखि उनीहरू भिरमा नै अड्किएका छन्। अहिले उनीहरूको उद्धार प्रयास भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वीर अस्पतालमा दुवै सिफ्टमा अपरेसन सेवा सुरु

राप्रपाले बुझायो काठमाडौं महानगरलाई एक लाख जरिवाना

काठमाडौंमा प्रदर्शन गर्ने माओवादी केन्द्रको तयारी