पूर्वराजा समर्थकले लगाए प्रधानमन्त्रीविरुद्ध नारा

राजनीति

नेपाल लाइभ आइतबार, फागुन २५, २०८१ १७:०१

काठमाडौं – पोखरा बसाइपछि काठमाडौं फर्किएका पूर्वराजा ज्ञानेन्द्र शाहलाई समर्थकहरूले त्रिभुवन अन्तर्राष्ट्रिय विमानस्थलमा नाराबाजीसहित स्वागत गरेका छन् । समर्थकहरूले प्रधानमन्त्री केपी शर्मा ओलीविरुद्ध नाराबाजी गर्दै प्रदर्शन गरेपछि विमानस्थल परिसरमा तनाबको स्थिति उत्पन्न भएको थियो ।

पूर्वराजा शाह आइतबार अपराह्न चार्टर्ड उडानमार्फत पोखराबाट काठमाडौं आएका हुन् । उनलाई स्वागत गर्न राप्रपाका अध्यक्ष राजेन्द्र लिङदेन, राप्रपा नेपालका नेता कमल थापासहित उनका समर्थक विमानस्थल पुगेका थिए । प्रधानमन्त्रीविरुद्ध नाराबाजी तीव्र बनेपछि सुरक्षाकर्मी र समर्थकबीच केहीबेर धकेलाधकेलसमेत भएको छ । स्थिति नियन्त्रणमा लिन विमानस्थल देखि निर्मल निवास सम्म बाक्लो संख्यामा सुरक्षाकर्मी परिचालन गरीएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई प्रधानमन्त्री ओलीको प्रश्न: देश बचाउने भन्नुहुन्छ, देश के भएको छ र?

थाइल्याण्डबाट २० जना नेपालीको उद्धार

बालसेना सम्बन्धी विवाद सर्वोच्चको पूर्ण इजलासमा