विमानस्थल बाहिर पूर्व राजालाई समर्थकहरुको भव्य स्वागत

राजनीति

नेपाल लाइभ आइतबार, फागुन २५, २०८१ १६:२७

काठमाडौं – एकसाता लामो पोखरा घुमघामपछि काठमाडौं फर्किएका पूर्व राजा राजा ज्ञानेन्द्र शाहलाई काठमाडौंमा भब्य स्वागत गरिएको छ ।

काठमाडौं फर्किंदा पूर्व राजा शाहलाई राप्रपा लगायत राजावादीहरुले त्रिभुवन विमानस्थलको आन्तरिक उडान तर्फ भब्य स्वागत गरेका हुन् । पूर्व राजाको स्वागतका लागि राजेन्द्र लिङदेन नेतृत्वको राप्रपा, कमल थापा नेतृत्वको राप्रपा नेपाल र राजावादीहरुले बिभिन्न स्थानबाट र्‍यालीसहित प्रदर्शन गरेका थिए । पोखराको बसाइ सकेर पूर्वराजा शाह आज हवाई उडान मार्फत काठमाडौं ओर्लिएका हुन् ।

राजावादीहरुले सडकका दुवै किनारमा उपस्थित भएर पूर्व राजा शाहको स्वागत गरेका छन् । शाह विमानस्थलबाट सीधै महाराजगञ्जस्थित निर्मल निवास पुग्नेछन् । राजावादीहरु उनलाई पुर्‍याउन र्‍यालीसहित निर्मल निवाससम्म पुग्ने कार्यक्रम रहेको छ ।

यही फागुन ७ गते पूर्व राजा शाहले आफूलाई साथ दिन आग्रह गरेपछि राजावादीहरु हौसिएका छन् । सरकारले राजावादीहरुको प्रदर्शनलाई ध्यानमा राखेर काठमाडौं उपत्यकाको सुरक्षा व्यवस्था चुस्त बनाएको छ । अहिले त्रिभूवन अन्तराष्ट्रिय विमानस्थल बाहिर हजारौँको संख्यामा समर्थकहरु जम्मा भएका छन् । राजसंस्था समर्थकहरूले ‘हाम्रो राजा, हाम्रो देश, प्राणभन्दा प्यारो छ’, राजा आऊ देश बचाऊजस्ता नाराहरू लगाएका छन ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई प्रधानमन्त्री ओलीको प्रश्न: देश बचाउने भन्नुहुन्छ, देश के भएको छ र?

थाइल्याण्डबाट २० जना नेपालीको उद्धार

बालसेना सम्बन्धी विवाद सर्वोच्चको पूर्ण इजलासमा