विराटनगरमा नेविसंघका दुई गुटबिच झडप हुँदा २ जना घाइते

राजनीति

नेपाल लाइभ बिहीबार, फागुन १५, २०८१ १६:४७

विराटनगर – विराटनगरको महेन्द्र मोरङ आदर्श बहुमुखी क्याम्पसमा नेविसङ्घका दुई गुट देउवा समूह र शेखर कोइराला समूहका विद्यार्थीबीच झडप भएको छ । झडपमा परी २ जना घाइते भएका छन् ।

घाइते हुनेमा नेविसंघका मोरङ जिल्ला सभापति सरोज पोखरेल र सदस्य आयुष दाहाल रहेका छन् । उनीहरुको नोबेल अस्पतालमा उपचार भइरहेको छ । घाइते हुनेहरु डा. शेखर कोइराला पक्षधर हुन् ।

स्ववियु निर्वाचन नजिकिँदै गरेका कारण बिहिबार बिहानदेखि नै उनीहरु क्याम्पसमा क्याम्पस इकाइ गठन गर्न पुगेका थिए । निर्वाचनलाई लिएर पछिल्ला केही दिनयता २ पक्षबीच विवाद भइरहेको थियो । विवादकै बिच बिहिबार भागबण्डा नमिल्दा उनीहरुमाथि कुटपिट भएको बताइएको छ ।

उनीहरुमाथि क्याम्पसका स्ववियु सभापति जसवन्त पौडेल नेतृत्वको टिमले कुटपिट गरेको आरोप छ । उनीहरुले हातहतियारसहित कुटपिटमा उत्रिएको कोइराला पक्षको आरोप छ भने यस बिषयमा अनुसन्धान भइरहेको प्रहरीले बताएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

७८ सहसचिवको एकैपटक सरुवा तथा पदस्थापन [सूची]

आगामी वर्षको बजेट लेखन सुरु, सरकारले बनायो समिति

तासको विषयमा विवाद हुँदा पर्सामा साथीको हत्या, तीन जना किशोर पक्राउ