पोखरामा पड्किएको बेलुनमा हाइड्रोजन ग्यास भर्ने एक जना पक्राउ

राजनीति

नेपाल लाइभ बुधबार, फागुन ७, २०८१ ०६:५५

पोखरा – पोखरा भ्रमण वर्ष २०२५ को उद्घाटन समारोहमा पड्किएको बेलुनमा हाइड्रोजन भर्ने एक जनालाई प्रहरीले पक्राउ गरेको छ । पक्राउ पर्नेमा ४१ वर्षीय भारतीय नागरिक कमलेस कुमार रहेका छन् ।

फागुन ३ गते पोखरा भ्रमण वर्ष, २०२५ उद्घाटनका क्रममा आगाको ज्वालाले बेलुन फुट्दा उपप्रधान तथा अर्थमन्त्री विष्णुप्रसाद पौडेल र पोखरा महानगर प्रमुख धनराज आचार्य घाइते भएका थिए ।

रिमोर्टबाट दीप प्रज्वलनपछि बेलुन उडाउने क्रममा आगोको ज्वालाले बेलुनमा टिपेपछि ठूलो आवाजसहित बेलुन पड्किएको थियो । बेलुन पड्किएपछि ज्वालाले अर्थमन्त्री पौडेल र मेयर आचार्य घाइते भएका थिए ।

त्यसपछि उनीहरुलाई पोखरामा प्राथमिक उपचार गरी हेलिकप्टरमार्फत काठमाडौँ ल्याइएको थियो । काठमाडौँको किर्तिपुरस्थित जलन अस्पतालमा उपचार गरी मन्त्री पौडेल डिस्चार्ज भईसकेका छन् भने मेयर आचार्य अझै अस्पतालमै छन् ।

घटनापछि गृहमन्त्री रमेश लेखकले कास्कीका सिडिओ भरतमणि पाण्डेको संयोजकत्वमा छानबिन समिति बनाएको थियो । समितिलाई छानबिनको लागि १५ दिनको समय दिइएको छ ।

कास्की प्रहरी स्रोतका अनुसार हाइड्रोजन ग्यास भर्ने भारतीय नागरिक सोही दिन नै पक्राउ परेका थिए । प्रहरीले अन्य व्यक्तिहरुसँग पनि सोधपुछ संगै पक्राउ परेका कुमार माथि अनुसन्धान गरीरहेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बङ्गलादेशका सुरक्षा बलद्वारा दुई जनाको हत्या

रास्वपा बैठक : संगठन विभागदेखि प्रदेश समितिका पदाधिकारी मनोनीत

फुङलिङदेखि काफ्लेपाटीसम्मको यातायात बन्द