काठमाडौं- यसअघि संसदमा पेश हुन नसकेको चिकित्सा शिक्षा विधेयकबारे आज बस्ने मन्त्रिपरिषद्मा छलफल हुने भएको छ।
बुधबारको संसद् बैठकमा सम्भावित कार्यसूचीमा राखिए पनि विधेयक पेश हुन सकेको थिएन। संसद विघटन हुनअघि नै विधेयक पेश गर्नका लागि सरकारले तयारी गरेको हो।
आज बिहान १० बजे बस्ने बैठकमा विधेयकमाथि छलफल गरी संसदमा पेश गर्ने सरकारको तयारी छ। यसअघि डा केसी पक्ष, कानुन मन्त्रालयका प्रतिनिधि र शिक्षामन्त्रीबीच भएको छलफलपछि विधेयक माथेमा प्रतिवेदनको मर्मअनुसार पारित गर्न सरकार सकारात्मक भएको थियो।
यसअघि पनि असोज ९ गते विधेयक संसदको कार्यसूचीमा राखिएको थियो। सोही दिन डा केसीले अनसन सुरु गरेपछि संसद २० गतेसम्मलाई स्थगित भएको थियो। संसद् स्थगित भएको र दशैं परेकाले डा केसीले अनसन स्थगन गरेका थिए। तर, संसद् सुरु भएसँगै तोडमोड गरेर विधेयक पास गराउन लागेको भन्दै डा केसीले १९ गतेबाट १३औं अनसन सुरु गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
