काठमाडौं– गायिका एलिना चौहानले आफ्ना प्रेमी विष्णु सापकोटासँग आज विवाह गरेकी छन्।
उनको सापकोटासँग झापामा विवाह भएको हो। सापकोटा बाङलुङबाट जन्ती लिएर हिजै झापा पुगेका थिए।
हिजो उनी त्यहाँ मेहेन्दी समारोहमा सहभागी बने। उनीहरु केही वर्षदेखि प्रेममा थिए। सापकोटा अष्ट्रेलिया बस्दै आएका छन् भने एलिना पछिल्लो समयकी चर्चित एवम व्यस्त गायिकामा पर्छिन्।
केही समय अगाडि उनीहरुको सम्बन्धमा खटपट भएर ब्रेकअप भएको समाचार सार्वजनिक भएको थियो।
तर पछि बिबाहको मिति सार्वजनिक भएपछि एलिनाले आफूहरुको कहिले ब्रेकअप नभएको प्रतिक्रिया दिएकी थिइन्।
त्यतिखेर विष्णु अर्की एक युवतीसँग निकट भएका कारण ब्रेकअप भएको चर्चा चलेको थियो।
उनको विवाहमा उनका आफन्त तथा साथीभाइका र केही गायकगायिका एवम संचारकर्मी सहभागी भएका छन्।
(सम्पूर्ण तस्विरः गोपीकृष्ण चापागाईं)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।