एजेन्सी– सुडानमा लामो समयदेखि चलिरहेको द्वन्द्व र यसको आर्थिक नतिजाले परम्परागत रमजान चलनमा ठूलो प्रभाव पारेको छ।
राजधानी खार्तुममा धेरै परिवारहरू हुलु–मुरको तयारी जस्ता परम्परागत उत्सवहरूमा संलग्न हुन असमर्थ भएका हुन्। हुलु–मुर, मुख्य रूपमा ज्वारको पीठो र विभिन्न मसलाबाट बनेको मिश्रणले रमजानको समयमा महत्व राख्ने भएपनि आर्थिक अवस्था सुदृढ नहुँदा रमजान मनाउन समस्या भएको हो।
अल–इन्काजकी ४६ वर्षीय गृहिणी नवल हारूनले हुलु–मुरको सांस्कृतिक महत्त्वलाई जोड दिइन्। अल–नहदा छिमेकका ४२ वर्षीय दौलत ओमरले पनि यस्तै भावनाहरू प्रतिध्वनित गर्दै यस रमजानको परम्परामा असर पुगेको बताए।
अहिले रमजान मनाउन गाह्रो भएको उनीहरुको भनाइ छ। विगतका वर्षहरुमा आफन्तहरुस्ँग रमाइलो गर्ने अवसर हुने गरे पनि यस वर्ष असहजताका कारण आफन्तलाई रमजानमा बोलाउन नसकिएको उनीहरुको भनाइ छ।
सुडान अप्रिल १५, २०२३ देखि सुडानी सशस्त्र बल र अर्धसैनिक र्यापिड सपोर्ट फोर्सबीचको द्वन्द्वमा फसेको छ। मानवीय मामिलाको समन्वयका लागि संयुक्त राष्ट्र संघको कार्यालयले हालै गरेको अनुमानले हिंसाको प्रकोपपछि १३ हजार भन्दा बढीको ज्यान गइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
