दक्षिण कोरिया– कोरियाको ख्यङ्सान नाम्दोमा मोटरसाइकल दुर्घटनामा परस् एक नेपालीको मृत्यु भएको छ। मृत्यु हुनेमा प्युठानको झिम्रुक– १, सौतामारेका नारायण जिसी रहेको कोरियास्थित नेपाली श्रम कन्सुलर डिल्लिराम बाँस्तोलाले जानकारी दिए।
शनिबार साथीको वर्थ डे मनाएर फर्किएका जिसी साथीहरु सुतेपछि रातको २ बजे मोटरसाइकल लिएर निस्किएका थिए । उनी चढेको मोटरसाइकल एक पार्कमा रहेको जीर्ण पोलमा ठोक्किएर दुर्घटना भएको र उनको घटनास्थलमै मृत्यु भएको जनाइएको छ। फुड कम्पनीमा कार्यरत २३ वर्षीय जिसी ३ महिनाअघि मात्र इपिएस प्रणालीमार्फत कोरिया आएका हुन्।
घटनाबारे जिसीको परिवारलाई जानकारी गराइसकिएको बाँस्तोलाले बताए। कोरियामा पछिल्लो समय सवारी दुर्घटनाबाट मृत्यु हुने नेपालीहरुको संख्या बढ्दै गएकाले यहाँको ट्राफिक नियम बुझेर मात्र सवारीको प्रयोग गर्न बाँस्तोलाले आग्रह गरेका छन्।
गत हप्ता पनि गाडिको ठक्करबाट गिम्पोमा एक नेपालीको मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
