काठमाडौं– त्रिशुलीमा भएको बस दुर्घटनामा बेपत्ता भएका थप एक पुरुषको शव फेला परेको छ। बिहीबार बिहान ११ बजे एक युवकको शव फेला परेकोमा अर्को शव ३ बजेर ४३ मिनेटमा फेला परेको सशस्त्र प्रहरी बलले जनाएको छ।
दिउँसो भेटिएका पुरुषको उमेर अन्दाजी ५० वर्ष रहेको जनाइएको छ। सशस्त्र प्रहरी बलको सुरक्षा वेश आदामघाट धादिङबाट खटिएको गोताखोरको टोलीले उक्त शव फेला पारेको हो। योसँगै बिहीबार दुई शव फेला परेका हुन्।
शव सशस्त्र प्रहरी बल नेपाल सुरक्षा वेश आदमघाटबाट डिएसपी तुला चौधरीको कमान्डमा खटिएको गोताखोर टोलीले फेला पारी नदीबाट बाहिर निकालेको।
बिहान भेटिएको शव दुर्घटनास्थबाट करिब डेढ सय मिटर तल त्रिशुली नदीमा भेटिएको थियो। अन्दाजी २०/२५ वर्षका युवकको सनाखत भने हुन सकेको छैन।
कपिलवस्तुबाट काठमाडौंतर्फ आउँदै गरेको लु २ ख २१२१ नम्बरको यात्रुवहाक बस पृथ्वीराजमार्गको घाटबेँसी भन्ने ठाउँबाट बुधबार बिहान त्रिशुली नदीमा खसेको थियो। दुर्घटनामा ७ जनाको मृत्यु भएको थियो भने ३७ जनाको जिवितै उद्धार गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
