रेड नोटिस जारी भएको ९ दिनमै कतारबाट समातिए खाँ, नेपाल ल्याइयो फिर्ता

सुरक्षा/अपराध

नेपाल लाइभ बिहीबार, माघ ११, २०८० १६:४२

काठमाडौं– बलात्कार आरोपमा इन्टरपोलबाट रेड नोटिस जारी भएका फरार व्यक्ति कतारबाट पक्राउ परेका छन्।

बलात्कार कसुरका फरार व्यक्ति सुनसरी बराहक्षेत्र नगरपालिका–११ मधुवन बस्ने २५ वर्षीय सेहमान खाँ पक्राउ परेका हुन् । नेसनल सेन्ट्रल ब्यूरो (एनसीबी) दोहाको समन्वयमा उनी कतारमा पक्राउ परेका हुन्।

उनलाई बलात्कार कसुरमा कारबाहीका लागि बिहीबार नेपाल फिर्ता ल्याइएको छ। खाँ विरुद्ध जिल्ला प्रहरी कार्यालय सुनसरीमा जबरजस्ती करणी मुद्दा दर्ता भएपछि अनुसन्धानको क्रममा उनी वैदेशिक रोजगारीको सिलसिलामा कतारमा रहेको खुल्न आएको थियो।

अन्तर्राष्ट्रिय स्तरमा खोजतलास एवं पक्राउ गर्नको लागि एनसीबी काठमाडौंको अनुरोधमा इन्टरपोल महासचिवालयबाट माघ २ गते उनी विरुद्ध रेड नोटिस जारी भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)