पेस्तोल र गोलीसहित हेटौँडाबाट २ जना पक्राउ

सुरक्षा/अपराध

नेपाल लाइभ शुक्रबार, माघ ५, २०८० २२:०१

हेटौँडा– मकवानपुर प्रहरीले पेस्तोलसहित २ जनालाई पक्राउ गरेको छ। पक्राउ पर्नेमा बाजुराको हिमाली गाउँपालिका–१ घर भएका ३१ वर्षीय देव बहादुर थापा र नवलपारासी पूर्वीको कावासोती नगरपालिका–५ घर भएका ५७ वर्षीय वीर बहादुर थापा मगर छन्।

पूर्व–पश्चिम राजमार्गअन्तर्गत हेटौँडा उपमहानगरपालिका–१५ रातोमाटे चेक पोस्टमा चेकजाँचको क्रममा उनीहरुको साथबाट पेस्तोल र त्यसमा लाग्ने गोली बरामद भएको प्रहरीले जानकारी दिएको छ।

चितवनबाट झापातर्फ गइरहेको मे १ ख २५३७ नम्बरको बसलाई प्रहरी चौकी रातोमाट‍ेको प्रहरीले चेकजाँच गर्दा बसमा सवार रहेका थापा र मगरको साथमा पेस्तोल र गोली फेला परेको हो।

प्रहरीले उनीहरुको साथबाट पेस्तोल १ थान, त्यसमा लाग्ने गोली १ राउन्ड र सेतो रंगको पाउडर जस्तो देखिने धुलो पदार्थ समेत बरामद भएको जानकारी दिएको छ। पक्राउ परेका दुवै जनामाथि थप अनुसन्धान भइरहेको जिल्ला प्रहरी कार्यालय मकवानपुरले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)