एजेन्सी– अन्तर्राष्ट्रिय मैत्रीपूर्ण फुटबल खेलमा ब्राजिलले सानदार जित हात पारेको छ। ब्राजिलले बुधबार भएको खेलमा एल साल्भाडोरलाई ५–० गोलले पराजित गरेको हो। ब्राजिलको जितमा रिचार्डलिसनले २ गोल गरे भने नेइमार, काउन्टिन्हो र मार्किन्होसले १–१ गोल थपे।
खेलको चौथो मिनेटमा नेइमारले पेनाल्टीमा गोल गरेर ब्राजिललाई अग्रता दिलाए। १६ औं मिनेटमा इंग्लिस क्लब एभर्टनका फरवार्ड रिचार्डलिसनले ब्राजिलको अग्रता दोब्बर पारे। काउन्टिन्होले ३० मिनेटमा ब्राजिलका लागि तेस्रो गोल गरेका थिए। दोस्रो हाफ सुरु भएको पाँचौ मिनेटमा रिचार्डलिसनले व्यक्तिगत दोस्रो गोल गर्दा ब्राजिल ४–० गोलले अघि बढ्यो। खेलको अन्तिम मिनेटमा मार्किन्होसले पाँचौ गोल गरेपछि ब्राजिलले सजिलो जित हात पार्यो।
अर्को खेलमा अर्जेन्टिनालाई कोलम्बियाले गोलरहित बराबरीमा रोकेको छ। नियमित कप्तान मेसीबिना अर्जेन्टिना मैदान उत्रिएको थियो। अमेरिकाले मेक्सिकोलाई १–०, भेनेजुएलाले पानामालाई २–० गोल र इक्वेइडरले ग्वाटेमालालाई पनि २–० गोलले हराएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
