नेपाल भर्सेस माल्दिभ्स
साफ सुजुकी कप
खेल – पहिलो सेमिफाइनल
स्थान – बंगबन्धु राष्ट्रिय रंगशाला, ढाका, बंगलादेश
समय – बुधबार अपराह्न ३:४५ बजे
काठमाडौं– साफ सुजुकी कप २०१८ को पहिलो सेमिफाइनलमा नेपाल र माल्दिभ्सबीच आज अपराह्न प्रतिस्पर्धा हुँदैछ।
सेमिफाइनलमा स्थान बनाउने क्रममा नेपाल आक्रमक खेल खेल्दै समूह 'ए' को विजेता बनेको थियो। नेपाल पहिलो खेलमा पाकिस्तानसँग २–१ को झिनो अन्तरले पराजित भएको थियो। दोस्रो खेलमा भुटानमाथि ४–० को जित निकालेको नेपालले समूह चरणको अन्तिम खेलमा आयोजक बंगलादेशलाई २–० गोलले हराएको थियो।
माल्दिभ्सका लागि भने सेमिफाइनल यात्रा सहज रह्यो। श्रीलंकासँग गोलरहित बराबरी खेल्दा नै माल्दिभ्सलाई अन्तिम चारमा पुग्न पर्याप्त रह्यो। श्रीलंका र माल्दिभ्स भारतसँग समान २–० गोलले पराजित भएका थिए। त्यसैले समूह 'बी' को उपविजेताको टुंगो टसमार्फत लगाइएको थियो। टसमा माल्दिभ्सले बाजी मारेको थियो।
माल्दिभ्सविरुद्धको खेलअघि नेपालका प्रशिक्षक बालगोपाल महर्जनले आत्मविश्सासका साथ मैदान उत्रने बताएका छन्। 'हामी कहिल्यै फाइनलमा पुगेको छैनौ। त्यसलै माल्दिभ्सबिरुद्ध जित निकाल्दै इतिहास बनाउन सक्षम छौं। खेलाडीहरु प्रतिभावन छन् । हामी माल्दिभ्सविरुद्ध सकेसम्म बढी गोल गरेर अघि बढ्नेछौं,' उनले भनेका छन्।
यता माल्दिभ्सका प्रशिक्षक पेटर सेर्गटले जितका लागि खेल्ने बताएका छन्। उनी भन्छन्,'नेपाल बलियो टिम हो। हामी फाइनलमा पुग्न सक्दो प्रयास गर्नेछौं। हामी भाग्यले सेमिफाइनल पुगेका हौं। तर अब भने अघि बढ्न राम्रो खेल्न जरुरी छ। टिममा केहि परिवर्तन गरेर अघि बढ्नेछौं।'
माल्दिभ्स सन् २००९ पछि फाइनमा पुग्न सकेको छैन। उसले सन् २०११, २०१३ र २०१५ मा सेमिफाइनलमा हार बेहोरेको थियो। तर प्रशिक्षक पेटर विगतका नतिजाले अहिले फरक नपार्ने बताउँछन्। यता नेपाल भने अहिलेसम्म फाइनलमा पुग्न सकेको छैन। नेपालले सन् २०११ र २०१३ मा सेमिफाइनलमा स्थान बनाएपनि अफगानिस्तानसँग हार बेहोरेको थियो। माल्दिभ्सलाई हराए नेपाल पहिलो पटक फाइनलमा पुग्नेछ।
'विगतको नतिजा कस्तो रह्वो त्यसको मतलव हुन्न। भविष्य महत्वपूर्ण छ। हामी जितका लागि खेल्नेछौं। सके ९० मिनेट, त्यसपछि १२० मिनेट वा पेनाल्टीमा भएपनि जित निकाल्ने हाम्रो लक्ष्य हुनेछ,' पेटरको भनाइ छ।
के तपाईंलाई थाहा छ?
जारी प्रतियोगितामा नेपालका सुनील बल र रोहित चन्दले गोलका लागि बढी अवसर सिर्जना गरेका छन्। दुवैले अहिलेसम्म ८ अवसर निकालेका छन्।
हेड टु हेड
नेपाल
जित –०, बराबरी–२, हार–४
माल्दिभ्स
जित –४, बराबरी–२, हार–०
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766743671.png)
-1766743434.png)
-1766740258.png)
-1764146706.png)
-1766648928.png)
-1763721444.png)
