काठमाडौं– नेपाल राष्ट्र बैंकले सार्वजनिक गरेको तीन महिनाको तथ्यांक अनुसार रेमिट्यान्स बढेको छ। समीक्षा अवधिमा विप्रेषण आप्रवाह ३०.० प्रतिशतले वृद्धि भई ३६५ अर्ब ३४ करोड पुगेको नेपाल राष्ट्र बैंकले सार्वजनिक गरेको तथ्यांकमा उल्लेख छ।
अघिल्लो वर्षको सोही अवधिमा विप्रेषण आप्रवाह १६.८ प्रतिशतले बढेको थियो। अमेरिकी डलरमा विप्रेषण आप्रवाह २५.९ प्रतिशतले वृद्धि भई २ अर्ब ७६ करोड पुगेको छ। अघिल्लो वर्ष यस्तो आप्रवाह ७.९ प्रतिशतले बढेको थियो।
समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या १,१३,३९७ र पुनः श्रम स्वीकृति लिनेको संख्या ४९,२९७ कायम भएको छ। अघिल्लो वर्षको सोही अवधिमा यस्तो संख्या क्रमशः १,४७,९३२ र ५७,८६१ रहेको थियो।
खुद ट्रान्सफर ३०.२ प्रतिशतले वृद्धि भई ४०४ अर्ब ४ करोड पुगेको राष्ट्र बैंकको तथ्यांकमा उल्लेख छ। अघिल्लो वर्षको सोही अवधिमा यस्तो ट्रान्सफर १७.१ प्रतिशतले बढेको थियो।
उपभोक्ता मूल्य सूचकांकमा आधारित मुद्रास्फीति ७.५० प्रतिशत देखिएको छ। आर्थिक वर्ष २०८०/८१को पहिलो तीन महिनाको तथ्यांकमा सरकार महँगी नियन्त्रणमा प्रभावकारी हुन नसकेको देखिएको हो।
सरकारले ६ अंकभन्दा तल मूल्यवृद्धि राख्ने दाबी पटक पटक गर्ने गरे पनि राष्ट्र बैंकको तथ्यांकले भने करिब ८ प्रतिशततिर मुल्यवृद्धि पुग्न लागेको देखिएको छ। त्यस्तै आयात १.७ प्रतिशतले बढेको छ भने निर्यात २.३ प्रतिशतले घटेको छ।
कूल वस्तुको व्यापार घाटा २.१ प्रतिशले बढेको छ। विप्रेषण आप्रवाह नेपाली रुपैयाँमा ३० प्रतिशतले र अमेरिकी डलरमा २५.९ प्रतिशतले बढेको राष्ट्र बैंकको तथ्यांकमा उल्लेख छ। शोधनान्तर स्थिति ९९ अर्ब ७ करोड बचतमा देखिएको छ। कूल विदेशी विनियम सञ्चिती १ सय ६४३ अर्ब ९ करोड र अमेरिकी डलरमा १२ अर्ब ३३ करोड रहेको देखिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
