काठमाडौं– गत शुक्रबार जाजरकोट केन्द्रबिन्दु भएर गएको भूकम्पले पीडित भएकाहरुलाई सर्वोच्च, उच्च र जिल्ला अदालतका न्यायाधीशहरुले आफ्नो तलबबाट सहयोग गर्ने भएका छन्।
बुधबार बसेको फुलकोर्टको बैठकले जाजरकोट जिल्लाको रामीडाँडालाई केन्द्रबिन्दु बनाएर कात्तिक १७ गते गएको विनाशकारी भूकम्प र सो पश्चात् आएका पराकम्पसमेतबाट देशका विभिन्न भागमा पीडित भएका परिवारहरुलाई सर्वोच्च अदालतका न्यायाधीशहरूको ७ (सात) दिन, उच्च न्यायाधीशहरूको ५(पाँच) दिन र जिल्ला अदालतका न्यायाधीशको ३ (तीन) दिन तथा राजपत्रांकित विशिष्ट र प्रथम श्रेणीका अधिकृतहरूको ३ (तीन) दिन, अन्य अधिकृतस्तरका कर्मचारीको २ (दुई) दिन र सहायकस्तरका कर्मचारीहरूको १(एक) दिन बराबरको तलव स्वेच्छिक रूपमा उपलब्ध गराउने निर्णय गरेको छ।
रकम प्रधानमन्त्री दैवी प्रकोप उद्धार कोषमा जम्मा गर्ने निर्णय फुलकोर्टले गरेको छ।
-1699445967.jpg?timestamp=1699445975684)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
