काठमाडौं– शुक्रबार राति जाजरकोटको रामिडाँडा केन्द्रविन्दु भएर गएको भूकम्पले प्रभावित जाजरकोट र रुकुम पश्चिमका लागि चीन सरकारले पठाएको राहत सामग्री जिलोङ–रसुवा बन्दरगाहमा आइपुगेको छ।
चीन सरकारले आइतबार मात्र १० करोडको राहत सामग्री दिने घोषणा गरेको थियो। सोही घोषणा अनुसार सो रकम बराबरको सामग्रीहरु नेपाल भित्रिएको काठमाडौंस्थित चिनियाँ राजदूत छोङ सङ्ले सामाजिक सञ्जालमार्फत् जानकारी गराएका छन्।
चीनले प्रभावित क्षेत्रका लागि भनेर पठाएको २ हजार ३०० टेन्ट, २ हजार कम्मल, ७०० त्रिपाल, ५०० स्प्रेयरसहित १० करोडको सामग्री भित्रिएको राजदूतले बताएका छन्।
सो सामग्री सिधै प्रभावित क्षेत्रमा पुग्ने उनले जानकारी दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
